彭秀慧:原諒自己再重新出發

By COSMO

Dear CG!:

開始接受不了自己,身體俾過兩個男人,還會有人珍惜我接受我嗎?

給了第一次的男朋友A拍了4年,第4年因為他對我很差、鬧我,對我很冷淡,還是沒有捱過,分手了!喺男朋友A身上我學到好多嘢,亦感受過很多痛苦,因為同佢一嘅4年間發生好多事,俾佢背叛不只一次,我還是原諒咗佢,因為我愛佢。之後發生咗一件事,因為呢件事我成個人變哂,我由一個好開朗成日笑嘅女仔變到唔再笑,一年入面,我有半年幾時間,日日喺到喊,由朝喊到晚,一起身喊,刷牙洗面喊,出門行路喊,坐車喊,食飯喊,瞓覺喊,唔係喊出聲嘅喊,而係一路忍,唔想喊,但眼淚會自動流出嗰隻。我好難咁振作返起身,雖然已經無可能再好似之前咁成日笑面迎人,但感覺自己成熟咗好多,呢啲就係成長?經歷?

之後認識了男朋友B,和他很夾,一齊都好開心。一齊咗幾個月,同佢發生咗關係,我好清楚,我好難會離開佢……但之後慢慢發現佢成日唔理我……本身佢唔鍾意傾電話,所以好小主動打俾我,多數都係我打俾佢,WhatsApp都係,成日過幾個鐘,一係大半日先回我信息,呢啲小小嘅嘢已經令我好唔開心,唔係因為我小器,而係呢啲事我之前都經歷咗好耐,我覺得佢唔在乎我,我好怕呢啲事,因為我唔想歷史重演,我一直忍,到7個月嘅時候佢同我講分開,佢話因為工作關係,好難理到我,我好傷心,但我追返佢,一個星期後我哋無事了,一直到9個月,佢再次講分開……一樣嘅藉口,但再加了:「你太好了,我配不上你,你值得搵過更好,同我一齊只會浪費你時間……」

我好傷心,但都繼續追返佢,當然今次追唔返,我到現在心情平復返些少……我好怕再識男仔,仲有小小對男仔反感,有朋友追我,本來我都覺得佢份人幾好,但佢追我我變咗憎佢,我好怕,我唔敢再搵,我覺得自己無資格搵未來老公……

我可以點做……可否開解我?

S

 

S:

你好。聽你訴說你的故事,我看到三個重點:

1)你很在乎和男友間的肉體關係

2)你很介意自己的過去

3)你很怕找不到男友

你沒有提及你的年齡,但我猜想你應該不會太大吧。

在成長路上,我們總會做過一些自相矛盾的事;你覺得男人會介意自己的身體是否清白,但依然因為一刻的信任而和不同的男友發生關係,最後反而為自己帶來不能消滅的陰影。

我想,首先你要問自己,你的不安,對男人的恐懼和反感,是來自甚麼?是因為你不再信任他們,覺得他們會欺騙你,然後丟下你?還是你對自己沒有信心?覺得自己有很多別人接受不了的過失?

將來會遇上甚麼人還說不定,但這個時間你卻可以尋找方法先讓自己平復,尋找屬於自己的快樂。有一句重要的話:「過去的已經過去。」無論你覺得曾經所做的是對是錯,今天回頭再看就只能當是經歷,是學習,也是成長。第一個男友給你的痛苦和傷口,你要學會勇敢面對和接受。第二個男友離開了,不一定是因為你的過去,可能是因為相處,性格甚至緣份,完結就是完結。兩段感情都已經成為過去,無論是快樂還是悲傷,也應該告一段落,別再抱怨,別再回頭。世上沒有其他人要對你的過去負責任,除了你自己啊!但如果連你自己也不能原諒自己,接受自己,不讓自己重新上路,那每一步都只會非常痛苦。

連自己也未處理好,遇上甚麼男人,甚麼關係,都不會得到快樂!找老公,從來不是資格的問題!

不知甚麼話可以真正開解你,除了你聽得入耳的話,還有你心內天使的話。

我相信每一個人心裏都有個美麗的天使,告訴你本來就很美,也值得擁有任何快樂。

Kearen

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE