從五官動靜分辨偽語言

by lulu. T

俗語話「知人口面不知心」,好難從一個人嘅表面行為去睇得出佢係個咩人。不過,根據心理學研究,當一個人講緊大話,面部嘅五官都會有唔同嘅下意識反應,連說謊者本身都未必察覺到,就算真係「講大話唔眨眼」咁叻叻,都無可能控制到全部動作啦!所以只要學識觀人於微,單睇對方塊面就已經可以分辨真偽喇!

眼:講大話時,因為腦部要集中設計謊話,雙眼好自然會望向其他地方,或經常眨眼,閃閃縮縮,唔會同你有眼神接觸。

耳鼻:人嘅鼻有好多血管,喺壓力下,血流增加會令鼻子發癢,血亦會流到耳仔,令耳仔發紅。

口:由於擔心大話被揭穿,胸口會繃緊,氣管收窄,出現缺氧,就會大口吸氣。

皮膚:講大話時腎上腺素上升,會覺得熱和滴汗。

聲線:若對話中突然大聲、高音或表現緊張,話速加快,對方極可能正在說謊。

視線:大話精嘅潛意識會想擺脫謊話,因而不時望向房門/出口,想盡快離開現場。

笑容:笑得較慢,而且笑容不對稱,雙眼完全無表情。

LOAD MORE