我塊臉好瘦,點樣掃胭脂先好睇?

By COSMO

臉型較瘦削嘅人,可以將胭脂打橫掃,視覺上可以拉闊塊臉。不過要避免掃得太多,就要由距離鼻子兩隻手指寬度嘅位置開始,喺面頰最高嘅蘋果位向耳仔打橫掃過去,之後用手指輕輕向外掃鬆胭脂嘅邊緣位,效果就會自然。

另外,亦都可以試試由耳仔對開向下斜掃到臉頰,再由蘋果位向下掃,兩個動作要好似畫十字咁,可以做到自然既立體感,如果胭脂嘅邊緣位太實,都要記得用手指向外掃鬆佢呀!有啲人想塑造可愛效果,就會用胭脂掃不斷打圈,兩個圓圓嘅胭脂,一點立體感都無,十足「馬騮pat pat」咁,切忌呀!

LOAD MORE