女生必讀!防走光小貼士

By COSMO

愛惜自己嘅CG!,當然要好好保護自己。防走光,係女生必修嘅儀態課,至少喺以下幾個情況,必須做好準備。

彎腰、上身前傾時:如果領口比較低/闊嘅話,記得要按住領口,以免胸部走光。

坐下時:著短裙時坐低,尤其喺巴士同地鐵上,都係要特別注意,同埋有啲女生以為喺餐廳有張檯遮住,就可以不顧儀態亂咁坐,其實喺遠處都好容易望到。坐低嘅時候,應先將裙子拉平,雙腿併攏,坐下時唔好成個人陷落張凳,最好只有2/3嘅臀部坐喺凳上,令大腿向下傾斜,有助防走光,亦可以用手袋壓住裙子或者放喺膝蓋位置遮擋一下。

上車時:坐的士或者私家車時上車嘅動作亦要留意,上車時先用手輕扶住車門,身體微微側轉與車門平行,然後再踏入車廂,同時另一隻手輕扶車門幫助平衡。半邊身邊移入車廂後,臀部往內坐低,一手同時扶住車門邊框作支撐,並緩慢地將另一隻腳踏進車廂,記得注意要兩邊膝蓋併攏。最後,用雙手撐住身體,移動至最舒服嘅位置坐好。

LOAD MORE