柳俊江:男人逃避就是分手宣告

By COSMO

你好 Ryan ,我有一個好迷茫嘅愛情經歷想同你分享,想你俾一下意見。

一年幾前我認識咗一個男人,佢40歲左右,美國人,喺一間銀行做banker,佢同我講佢成日要周圍去,因為佢嘅客戶係遍佈全亞洲,因為佢有一張航空公司嘅會員卡所以我都唔懷疑。好快我哋已經一齊咗,佢係一個好人,佢話佢媽媽係成日去印度做義工,我覺得如果父母有善良嘅心咁佢哋嘅仔女都唔會壞得去邊。

我哋啱啱開始嘅時候,佢同我講過佢唔可能有好多時間陪我,因為佢嘅工作量好多而且佢熱愛佢嘅工作,我其實明白的。

上年我生日,我喺屋企等咗佢好耐好耐,到夜晚11點幾先可以見面,我好唔開心所以忍不住喊咗,跟住佢好冷靜叫我坐低,佢慢慢解釋佢嘅工作性質比我聽,然後同我講可唔可以為佢而再努力嘗試接受佢同佢嘅工作。

到今年我哋成日嗌交,其實都唔算係嗌交,只係可能因為有時女人每一個月總有幾日特別emotional,容易亂諗嘢,所以好多所謂嘅嗌交都係我單方面,而佢會選擇silence,可能佢知道我會幾日後搵番佢。但係今年3月到7月8月我都無見過佢,佢又不停飛,我又要返工,直到有一日佢答應打俾我但係夜晚佢話佢好累所以第二日先打俾我,嗰晚我去咗同朋友飲嘢,竟然比我係佢平時去開嘅bar見到佢到同個女仔傾偈,佢亦見到我但佢無過嚟搵我,我好傷心,我扮無嘢主動去同佢say hi,佢就介紹個女仔俾我識,我返去搵我朋友陪我走去好大力打佢一巴,佢呆咗,而我就淨係喺到喊,跟住我哋出咗外面傾,佢話佢承認佢係無時間陪我,承認咩都收埋喺心裏面,但佢唔能夠承認佢同嗰位女仔有嘢,佢話佢啱啱返到香港喺屋企準備瞓覺嘅時候,佢個好朋友打俾佢叫佢出去飲嘢,佢個好朋友就係間酒吧嘅經理,佢仲俾我睇佢張機票證明佢真係啱啱返嚟,然後佢話佢係有想逃避我嘅念頭,因為我成日俾好多壓力佢,加上佢面臨工作壓力有被炒嘅危機,但係佢同我講佢答應我會努力令我重拾對佢嘅信心。

之後每次我見到佢同人哋傾偈,佢都會解釋嗰個係邊個。但係有一樣嘢我唔明白,佢好少話我知佢返咗香港,所以我仲對佢有好大嘅疑心。有時佢會盡量抽時間陪我食飯,就算佢要開會佢都會抽2小時同我食quick dinner。 佢知我想佢趁我aunt返意大利前見個面,但咁啱佢媽媽嘅細佬喺美國過咗身,佢都依然出嚟同我aunt and uncle食飯,佢話佢會盡量滿足我想要嘅野。我覺得好sweet,但唔明白點解佢返咗香港都唔同我講,好自然我就會覺得佢係去咗溝女。

上個月我生日,佢陪唔到我,我好唔開心,跟住又發脾氣俾說話佢聽,佢只係不停say sorry,但我真係好唔開心。然後我第二日因為一個朋友而誤會咗佢,佢好嬲,話我呢頭話算數轉頭又要冤枉佢。隔咗幾日我同佢講sorry同埋我同佢講我係愛佢,佢話佢都係,但我做嘅嘢令佢feel extra guilty,同感覺自己係一個衰人……而家我哋嘅關係好似差咗,佢話佢呢幾個星期都唔會喺香港,但我感覺係佢唔想見我。

希望你可以俾意見我,點先可以補救或者我應該選擇放棄?

感謝!

Winni

Dear Winni,

事到如今,你還對這段關係抱甚麼希望?我很明白,作為一個有一定條件的男人,如果我和一個女朋友沒有很強的 commitement ,頂多是過年過節食餐飯,一個月見幾次面的話 - 那麼,她只是我「其中一個」女朋友而已。而當這位女朋友越進逼,見面的次數就相對減少,因為這根本不是一段對等的關係,說白了只是「一廂情願」。

你會問:如果真是這樣,為甚麼他口口聲聲仍要挽留我?而其實,你很清楚,你不找他,不見他的話,他也不會找你,不會主動見你(除非他有性需要)。只是見到你,尤其是在床上溫存時,他特別會甜言蜜語。孔雀靠開屏,男人靠語言偽術,你要認清楚真心話與求偶的呼喚,是有分別的。

有時,男人選擇逃避,選擇淡化來取代講分手。其實你半年沒有見他,已經是另一種分手的宣示,當你一巴打過去時,他才明白你沒有分手的意思,又把你拉來扯去,然後故事重演,又何苦呢?

你苦等,他繼續專心工作,和不同的女性見面談天。拖拖拉拉,浪費的是你的時間。算吧啦。

Ryan
 

柳俊江 Ryan

人稱柳爺,已從情場退役,樂意為一眾迷途少女指點迷津。

如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosmoGIRL!網站為你解答!

LOAD MORE