編輯試用報告:Hello Kitty三文治機

by 韋寶


呢部Hello Kitty三文治機唔單止外表得意,仲可以整出有Hello Kitty圖案嘅飛碟三文治!相信好多吉蒂迷都會想知呢部機好唔好用,等小編為大家測試一下啦!

 
是次測試準備咗呢啲材料:
切片蕃茄、白麵包(建議切走麵包皮)、牛油
做法唔算複雜,我先喺焗盤搽上牛油,預熱完,就將搽好牛油嘅麵包同蕃茄放上去,焗一陣就已經整出飛碟三文治喇!
 
以下係我嘅小貼士:
 
1.白麵包連皮的話就太大塊,焗製時好難關上蓋子,所以建議切走麵包皮。
2.預熱時間唔好太耐,否則會燶(因為搽咗牛油)。  
3.焗製期間會出煙,小心燙到。
4.焗製時我無計時,但會隔一陣就開嚟睇下清況如何,感覺上無說明書所講要焗兩至三分鐘咁耐。
5.唔好太貪心放太多餡料,否則會咇咗出嚟。

 
味道:
咁樣整出嚟都算脆身,不過由於有蕃茄,部分位置會因濕咗而無咁脆,但都好味嘅。
不過食完就知味道啦,因為清潔上都幾麻煩,由於有罅嘅關係(Hello Kitty個樣),所以會有啲燶咗嘅東東黐咗喺入面,要花好一段時間先清潔到所以得意係有代價架!xp
 
價錢:$ 289
銷售點:小編係購自快圖美,亦曾於部分嘅阿信屋見過啊!
LOAD MORE