編輯分享:2分鐘化好底妝!

by 韋寶


我成日都諗,每朝返工到底點樣可以盡快出到門口?所以之前一見到CHANEL嘅VITALUMIÈRE LOOSE POWDER FOUNDATION就好想一試,因為佢係集粉底液同碎粉於一身架!
 
其實試之前我都有啲擔心會否好易甩粉,因為佢個造型係好似碎粉咁,先講講個使用方法:
1. 倒轉粉盒,以手指輕敲盒底。
2. 打開粉盒,以迷你 KABUKI 蜜粉掃沾取少量蜜粉底。   
3. 從臉部中央向外打圈,輕掃肌膚。
 
不過我實在太懶又貪方便,所以第三點我無跟,只係極速將粉底掃上面,過程完全零技巧,但掃幾下已經好均勻兼且有一定遮瑕度!我想講,用咗佢之後我兩分鐘就化好個底妝了!
仲有仲有,個蜜粉掃非常軟熟,掃上面舒服到不得了架!最驚喜係,我經過一整日都無甩粉嘅徵狀,因此全日都毋須補妝呀!
唯一要學嘅係控制粉量,以下係我嘅小心得:
 
1.敲盒底時,力度真的要輕,我一般會輕輕以指甲輕敲幾下,咁就唔會跌得太多粉出嚟。
 
2.以迷你掃沾取蜜粉時,切忌太大力掃落去或沾取太多,因為一旦沾取太多,掃上面時,啲粉末就會好似一陣煙咁飛出嚟。不過大家唔使擔心,我用咗幾日就掌握到點樣控制粉量,所以係無難度架!
 
希望呢個小法寶可以幫到大家爭取多啲瞓覺時間啦,嘩哈哈!
VITALUMIÈRE LOOSE POWDER FOUNDATION SPF 15 
$630 / 10g
LOAD MORE