女生比男生易醉?!

By COSMO

無論你係咪相信男女平等,酒精對男同女就肯定唔平等!美國有科學研究人員就酒精攝取進行咗一項測試,其中嘅幾項結果顯示,青少年當中,女性嘅酒量比男性淺。

研究指出,年輕女生體內嘅脂肪同肌肉組織比率較男性高,而體內所含嘅水分較少,所以飲酒之後,體內嘅酒精濃度較高。即係話,如果年輕女性同男性飲同樣份量嘅酒,女性會比較易醉。另外,人體內有一種消化酵素叫醇脫氫酶(Alcohol dehydrogenases, ADH),大部分嘅酒精都係由ADH分解,但年輕女性體內嘅ADH較少,相對男性較難分解酒精。同時女性普遍體形都比男性小,體重亦較輕,因此女性血液中嘅酒精濃度會上升得比較快,而飲醉之後亦要較長時間復元。如果年輕女性有酗酒嘅習慣,酒精中毒嘅風險亦相對較高。

當然人人體質唔同,酒量都因人而異。但無論如何,各位女生,飲酒都要適可而止啊!

LOAD MORE