去澳洲行農夫市集!

by Ship Ship

去得澳洲玩,斷估都唔會只留3、4日,不妨買朵花增添旅程嘅色彩。

澳洲人鍾意飲咖啡,即使是市集內小小的咖啡檔都可以沖出極美味咖啡,香港難尋。

拎個藤籃裝住啲食材,隨意地放喺地下,再慢慢歎杯咖啡,咁先係放假應有的態度。

新鮮足料無添加果醬,如果唔係太重真係想帶多幾樽返屋企。

澳洲蘋果,任試任揀。

陽光,喺農夫市集又有咩好怕!

澳洲人設想周到,連流動ATM機都可以運到來市集,咁就唔怕冇錢shopping啦!

夏威夷果仁其實唔係源自於夏威夷,而係澳洲!而且喺呢度仲可以搵到好多唔同味,有蜜糖、蒜香、仲有wasabi味!

去旅行有時最怕就係一式一樣的酒店歐陸早餐,去到以新鮮農產品出名的澳洲,當然最好就係去逢星期日先開嘅農夫市集,飲返杯香濃嘅Flat White,歎個新鮮烤焗的麵包,然後再買返啲新鮮生果先至繼續當日行程,咁就為之Aussie lifystle囉!

呢個咁悠閒又地道的農夫市集位於昆士蘭陽光海岸,每星期日舉行一次,只售賣當地農夫自己種植的農產品,當中包括有鮮花、生果、蔬菜、芝士、有機香草、以致去澳洲必買的手信——夏威夷果仁都有,重點係一定新鮮而且價格合理,不妨買多幾樣乾貨返香港送俾朋友,總比買袋鼠樹熊鎖匙扣來得吸引吧!

當地人的星期日活動會係先來農夫市集買食材、然後在市集買杯澳洲特有的Flat White咖啡、配上一件麵包、曬住太陽同家人朋友聊聊天就已經可以消磨大半日時光,寫意到不行!作為遊客就可以學吓澳洲人放慢腳步,咁先係放假嘛!

Noosa Farmers' Market 努沙農夫市集
地址︰Weyba Road ,Noosaville, Queensland, Australia
電話︰+61 418 769 374
營業時間︰逢星期日( 7am -12pm )
網址︰http://www.noosafarmersmarket.com.au

LOAD MORE