工作時上網可「充電」!

By COSMO

有唔少公司都禁止員工喺office hour上網,怕影響工作表現,然而新加坡國立大學有研究員做咗一項有關「工作時間上網閒逛的心理影響」,對比咗喺工作時間內上網閒逛、打私人電話、發短訊同email及一直埋頭苦幹嘅人嘅工作表現。結果顯示,上網閒逛嘅人工作效率同參與嘅熱情都更高,而且出現精神疲倦同煩厭情緒嘅比例更小。

原因係上網閒逛嘅時候,大家通常會選擇去睇自己鍾意嘅網站,就好似去飲杯咖啡或食啲零食一樣。咁樣嘅休息會令人身心愉快,活力得以恢復。所以,如果你係可以喺工作時間自由上網嘅幸福一群,不妨以上網閒逛嚟幫自己充充電呀!
 

LOAD MORE