鄺俊宇:未ready只是藉口

By COSMO

我從CosmoGIRL!看了很多有關感情嘅文章,而最近我又有感情煩惱,決定email向你請教一下意見。我從交友app認識了一個男生,第一日出街已經鐘意咗佢。過兩天佢又約我去唱K,我當然欣然答應,而且上了佢屋企發生性關係。


跟住就開始拍拖,佢將佢嘅感情經歷都一一同我分享,例如拍過幾多次拖,拍咗幾耐,試過one night stand等等……對我來講,佢嘅過去一點都不重要,因為我喜歡現在嘅佢。



不過我哋之間出現咗一個問題,佢同EX其實只係分咗手一個星期,跟住我地就認識而且拍拖,佢仲未ready好開始一段新感情。


我有留意佢WhatsApp經常上線時間都係零晨3、4點都未瞓,而佢fb亦有post過一段梁靜茹《分手快樂》嘅歌詞,我曾經關心過佢嘅情況,有同佢講我唔會勉強佢繼續一起,但佢強調只係會諗起EX,佢話同EX都唔會再復合。

之後佢又有講幾日前EX有搵過佢示好,佢越來越少搵我,通常都係我WhatsApp主動搵佢,佢嘅回應不熱情又不冷淡。最近幾天剛剛撞正佢離開香港,我忍唔住在佢離港前一天表示我覺得好似係我鐘意佢,唔似拍拖,好攰。


佢同我講sorry,佢未ready好但又想試下,問佢想點又話唔想我辛苦,最後決定等佢返香港先傾。


這幾天只有我主動問好一次,沒有其他交流,我好難過。



我唔想分手,但我應該點做先可以令佢ready?如果佢話分手我應該挽留嗎?

因為我真係想認真發展呢段感情。


期待你嘅回覆,謝謝。


Thanks,
Sze

Sze:

浪漫太快,愛戀都走得快,迅速建立的愛情,可以穩定,也可以脆弱,如履薄冰。

僅數天建立的關係,恍如未焗好的心太軟,心還未暖,就這樣上餐桌,但餐桌上另有主菜,未吃完,就這樣放在這,然後他自私的跟妳說:「對不起,我未ready好,但又想試一下。」

這算是甚麼?是代表我不是你的正餐,只是你的甜點,還要是你未ready,便把我從焗爐提出來的甜點?

字裏行間,我感受到妳很想愛,也不想失去他,但只有一邊在捉緊的手,怎能溺救這跌墮的愛情?

他強調不會與前度復合,抱歉,他或在妳身上找到點前度所沒有的特點,但也可能,他需要藉着妳,才能跟前度說再見。

但如果他捨不得放手呢?那麼注定被犧牲的人,是新加入的妳。

我不能判斷他是否仍愛着前度,但「未ready」只是個藉口,真正的原因,是他自己也搞不懂這刻應愛誰。

如何開始,或會如何的結束,如果他跟妳說分手,妳想挽留,就去吧,只是看來一早鬆開手的人是他,在抓緊不想他遠走的人是妳。

留不住人,就請留住經驗,下一次,保護好自己才去愛。

祝君好。

鄺俊宇

鄺俊宇

喜歡文字的議員男生,以「樹洞」之名,細聽城市的愛情,著有《愛你,若只如初見》,《有一種幸福叫忘記》,兩作品輪流登暢銷榜首名。

 
如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE