港姐:異地戀之苦

By COSMO

 
我係一個26歲嘅男仔……好犯賤地我鐘意咗一個20嘅女仔……
 
由暗戀到表白我用咗半年時間……最後一齊咗。由一齊之前已經知佢會去台灣讀書4年……當初我以為我可以忍受呢4年,但事情未如理想,我好怕自己一個,怕悶……難道有錯嗎?
 
我心一直怕嘅係佢會變心,但好多朋友都話我諗多啦,佢同我一齊係一定有思前想後(佢曾經拒絕過我一次),但我唔知我可以點去維持。
 
異地戀我唔覺得單純以信心可以維持,一定要有溝通。
 
科技雖然發達……但佢讀嘅學系真係太忙……可以連休息時間都無。如果我要求佢晚晚同我傾一陣我都覺我好衰,好似逼佢入死角……
 
我可以點做,先做到兩全其美呢?
 
DONALD
 
Donald,
 
怕悶、怕寂寞、怕自己一個,的確沒有錯,但這樣的個性都仍死要開展一段異地戀,就絕對是「自己攞嚟衰」。
 
戀愛講的無非是「緣份」,「緣份」當中最重要的因素就是「時機」。沒有時間又沒有機會,根本就不可能建立及維持一段關係。
 
要兩全其美?得,發夢嗰陣啦。
 
現實其實只得一個選擇。若非她不可,就唯有一個「等」字。要不就忍受這種若有若無的關係,糾結整整四年,博能苦盡甘來。要不就先放手,還大家自由,各自好好成長,四年後若時機成熟又依然想愛,就盡情相愛。
 
若然有緣有份,就算中途暫別,最後依然會在終點相見。有緣無份的,讓你死chur四年,最後都依然只能擦肩。
 
港姐
 
港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。
 
如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!
 
LOAD MORE