US$400一斤 !貓屎咖啡是這樣製成的

by Ship Ship

印尼盾$50,000 (約HKD$33 )一杯的貓屎咖啡,入口比普通咖啡來得濃厚。

8款免費飲品,當中有茶、有咖啡、更有朱古力,同時附上炸薯絲俾參觀者清味蕾。

未熟的咖啡豆在樹上就係咁嘅樣。

專職的炒豆專員

咖啡豆被麝香貓排出體外後會經過清洗、曬乾、再到炒的不同階段,呈現不同顏色。

被豢養的麝香貓每天就係以熟了的咖啡豆為主食,其實諗深一層不太人道。

除了堂飲,當然可以買走,咁大一包磨好的咖啡粉盛惠印尼盾$540,000(約HK$350),抵唔抵就見仁見智;唔買亦不會有人迫你或黑面。

此梯田景雖不是當地最靚,不過可以飲住咖啡來休息一下亦好寫意。

咖啡幾乎係每一個上班族必備的提神聖品,而講到咖啡,原產地印尼嘅貓屎咖啡堪稱當中貴價表表者。峇里島係其中一個主要產地,今次去仲俾我哋發掘到一個令人有驚喜的景點,可以俾人一邊欣賞綠油油的梯田,一邊品嚐貓屎咖啡,同時有其他特色咖啡俾你免費試!

Bali Pulina 係當地一個咖啡豆種植場,單單一片農田對遊客來講冇乜吸引力,不過這裏豢養住一群貓屎咖啡的來源──麝香貓。這種咖啡之所以出名,是因為必先由麝香貓吃下,然後在胃裏發酵,破壞其蛋白質,以再排出體外的豆為原材料,而且苦澀味少,產生一種獨特風味。因為產量少,更賣到US$400一斤,好巴閉!遊客來到呢度,除了可以欣賞到一大片梯田,園內亦會有人講解咖啡種植、加工等過程,園內同時養着超過10隻的麝香貓,每天有專人餵食咖啡豆,遊客亦可一睹其真面貌。參觀完後園方仲會免費送上8種不同味道的飲品及咖啡,當中包括有薑味咖啡、人蔘咖啡、雲呢拿咖啡等,如果想試貓屎咖啡都只是$50,000印尼盾 (約HKD$33 ),比起喺香港郁吓就過百蚊一杯相宜得多。

Bali Pulina

地址:‪Banjar Pujung Kelod , ‪Tegallalang, Bali, Indonesia
入場費:免費

 

LOAD MORE