為dry爆感情關係添上芬芳!

By COSMO


最近同男友好似無乜話題,但其實你同佢無鬧交,亦無不愉快嘅事發生過,總之就係約會時感覺好dry,氣氛怪怪的?!
 
其實你唔使太擔心,因為呢個係每對情侶拍拖耐咗都一定會出現嘅情況,當然唔可以唔理(咁dry嘅關係keep耐咗就會出事!),但亦唔需要大費周章,只要做啲小事為你同佢之間加啲潤滑劑就得啦!
 
你可以搵日約會嘅時候,帶男友去香薰店逛逛,睇下佢鍾意邊種香味,然後買支佢鍾意嘅精油。回家後就將精油混入按摩用嘅乳液中,幫佢做一個簡單嘅按摩,藉住按摩同佢嘅肌膚接觸,唔單止可以幫佢消除疲勞,仲係傳達愛意嘅有效方法!重點係,要令佢記住呢種香味!之後,你要使用同樣嘅精油為自己調製一支香水,因為男生好容易被女性嘅香味所吸引,同樣嘅香味,就可以提起佢嘅情緒,令佢諗起同你一齊時嘅舒適感,咁樣佢就會不知不覺中對你產生更強烈嘅愛意架喇,不妨一試呀!
LOAD MORE