試用期內要做的事

By COSMO

 
一般嚟講,加入一間新公司,都有3個月嘅試用期。呢3個月對初踏入社會工作嘅人嚟講,尤其重要。雖然去到新環境、面對新面孔都需要時間適應,但千祈唔好漫無目的hea過,反而應該要喺呢段時間中,有意識地做到以下幾點,等自己盡早脫離新人行列:
 
喺第一個星期內認識你部門嘅所有同事,兩星期內認識與你工作有關嘅大部分人。除咗你要知道佢哋係邊個,俾大家認識你都同樣重要。
 
勤力、好學係新人嘅最佳形象,唔好揀job做,有問題就要問(新人最忌唔識扮識!),不過當然唔好問一啲令人覺得你好無基本常識嘅問題啦。
 
要俾自己喺呢幾個月內進入工作狀態,無論你被委派嘅任務係大事定小事,都要努力去完成,一來為自己帶嚟小小嘅成就感,二來亦令人對你留下好印象。
 
喺辦公室入面,你一定會聽到是非,你可以聽、可以諗,但一定要少說話,因為作為一個新人,未必唔清楚同事們邊個信得過,好容易講錯嘢得罪人。重有要記得,千祈唔好成為是非嘅主角。
 
LOAD MORE