即去頭油!dry shampoo大比併

by 韋寶

之前CG!短片《男仔望女仔的秘密》中,主持人同嘉賓提到,無論個女仔幾靚都好,個頭油立立就會大打折扣!所以,今次CG!就為大家測試咗6款dry shampoo,等大家無論身處何時何地都能即時解決呢個問題!

amika海莓果免沖洗洗髮噴霧
$220 / 1oz、$480 / 8oz

 
氣味: ★★★☆☆
去油度:★★★★☆(4星半)
除臭度:★★★★☆(4星半)
用後乾爽度:★★★☆☆(3星半)
持久度:★★★★☆
簡介:
採用天然大米澱粉吸收油分,配方中不含滑石粉或鋁屑等。
 
用法:
搖勻後於距離頭髮10至12吋的位置向頭頂髮根處輕噴。待1至2分鐘,以指尖梳刷或按摩即可。
 
總評:
去油及除臭嘅效果都令人非常滿意,而我最欣賞佢嘅地方,係佢嘅噴射力度唔會太猛,而且噴霧分布平均!不過氣味較濃及偏甜,而且香氣會停留一陣子,就好似噴咗香水咁。

AVEDA Pure Abundance豐盈造型粉
$260 / 20g

 
氣味:倒上頭嘅時候聞唔到有味,但如果倒在手上聞落係兩星(★★☆☆☆)。
去油度:★☆☆☆☆
除臭度:★☆☆☆☆
簡介:
含有矽、有機蜂蜜、刺槐樹膠及高嶺土等成分,除了可以吸走頭髮和頭皮的多餘油分,亦可以令髮型更豐盈及有定型作用。
 
用法:
於乾髮上灑上造型粉,可有助吸走頭髮和頭皮的多餘油分。
 
總評:
倒上後頭髮會變硬,完全無去油、除臭及變得豐盈之效,所以佢只係一款定型產品。
JOICO清新乾洗噴霧 
$180 / 200ml

 
氣味:★★★★☆
去油度:★★★☆☆(3星半)
除臭度:★★★★☆(4星半)
用後乾爽度:★★★☆☆(3星半)
持久度:★★★☆☆(3星半)
簡介:
可吸收髮絲的多餘油脂及異味,令造型效果更持久。成分Manuka Extract有紓緩頭皮的作用,而水楊酸則有助改善頭皮更生周期。
 
用法:
使用前先搖勻,之後距離8至10吋噴向頭皮和頭髮的根部附近,最後以指尖輕撥頭髮的根部約1分鐘至乾爽 。
 
總評:
呢款dry shampoo嘅香氣聞落都幾舒服,氣味比SHILLS濃,但比amika淡。
其除臭效果很不錯,去油效果亦ok。如果接受唔到太濃味,但又想有理想嘅除臭效果,就不妨揀呢支!
 
銷售點:於指定髮廊有售,可致電2262 6962查詢。

Etude House OMG! Dry Shampoo $98/50ml
 
氣味:★★☆☆☆(2星半)
去油度:★★☆☆☆(2星半)
除臭度:★★☆☆☆(2星半)
用後乾爽度:★★★☆☆(3星半)
持久度:★★☆☆☆(2星半)
簡介:
蘊含高機能抗皮脂複合物,具吸附皮脂的功效,並能去除髮絲上的污垢。
 
用法:
搖勻後於油分集中的頭皮及劉海輕噴,然後用手輕輕按摩。
 
總評:
氣味較濃烈,整體效果(包括去油、除臭及持久度)均屬一般,而且噴射力度頗猛。較出色之處係噴後都幾乾爽,同埋佢嘅設計係細細枝咁,帶出街好方便!
碧緹絲頭髮乾洗噴霧—原味 
$56.9  / 200ml

 
氣味:★★☆☆☆(2星半)
去油度:★★★☆☆(3星半)
除臭度:★★★☆☆
用後乾爽度:★★★★☆
持久度:★★★☆☆
簡介:
除了是次測試的原味之外,尚有以多種花香混合而成的「碧緹絲頭髮乾洗噴霧—花香」及融合植物香味的「碧緹絲頭髮乾洗噴霧—狂野」。
 
用法:
搖勻後於距離30厘米處噴向頭皮及髮根上。之後用指尖輕輕按摩,待數分數後,用手或密齒髮擦梳理。
 
總評:
呢款dry shampoo係咁多款產品中最平嘅,到底效果如何?一噴落去會有啲白色粉末,不過按摩後就消失了。去油效果ok,而且噴後都幾乾爽,不過氣味一般,而且其噴射力太猛了。
 
銷售點:萬寧、屈臣氏、卓悅、寶寶反斗城及各大頭髮用品專賣店

SHILLS rose dry shampoo 
$70  / 150ml

 
氣味:★★★★☆(4星半)
去油度:★★☆☆☆(2星半)
除臭度:★★★★☆
用後乾爽度:★★★☆☆(3星半)
持久度:★★☆☆☆(2星半)
簡介:
含有甲殼素、水解大豆蛋白等成分,可吸附頭皮多餘油脂及滋養髮絲。
 
用法:
搖勻後於距離30厘米處輕噴於頭髮上並加以按摩,待1至2分鐘後即可梳理。
 
總評:
呢枝dry shampoo嘅香氣係淡淡嘅玫瑰味,聞落非常清香!而且佢嘅噴射力度適中,遠距離噴落去就可以均勻地散布喺頭上,噴後都乾爽,唔會濕立立咁,不過去油度及持久度只屬一般。
 
銷售點:COLORMIX
LOAD MORE