男人比女人難集中?

By COSMO

好多人覺得男人嘅集中力比女人低,其實並唔係完全正確。有科學家指出其實係女人同男人留意嘅事物唔同而已。研究指出,男人嘅腦傾向被邏輯性(例如運動比賽分數)同視覺上(例如美女)嘅事物吸引,而女人嘅腦就會比較集中於溝通,例如同朋友圍繞八卦嘅對話。

科學家仲發現,普遍嚟講,男性嘅腦神經通常係前後連接,左右腦之間連接較少,相反女性嘅腦神經就較多左右腦之間迂迴嘅交集。咁就可以解釋到男性喺學習同實踐單一任務會表現出色,而女性就更擅長同時處理幾件事。所以,如果下次你講嘢太長氣時「男聽眾」又好似心不在焉,唔好怪責佢哋,佢哋可能係因為男女集中嘅事情唔同,而唔係佢有心唔理你架。

LOAD MORE