大啖雲南小吃 走入石林仙景

by TEXT & PHOTO: Ship

古鎮大街上有唔少舖頭同埋小食店,小食都係幾蚊有交易!

官渡古鎮是昆明當地著名的歷史文化古鎮之一。

古鎮內的妙湛寺金剛塔是全中國歷史最悠久的一座。

擺滿一枱的小吃都只是$100人民幣有找,抵!

木瓜水加米涼蝦真身,夏日消暑佳品。

乃古石林前的大片波斯菊海,6 月去時還未盛開,不難想像現在盛況。

鸚鵡石,形神俱似。

石林中的例影石。

穿梭乃古石林中,不時會碰上窄得只夠一人打側通過的位置。

提起雲南大家只會想起大理或麗江,省會昆明就成為大家理想的中間點,一落機就直奔各地。但如果想試到正宗而又最齊嘅雲南小吃,一定要喺昆明留多兩日!

昆明有個官渡古鎮,除咗可以慢慢逛欣賞古建築外,一定要試試地道的雲南小吃!你可以選擇一邊行一邊「掃街」 ,又或者搵間小食店舒舒服服坐低然後叫一枱嘅小食慢慢開餐!識食嘅一定要叫返碗小鍋米線、烤臭豆腐同豌豆粉,最後一定要加返碗當地特有嘅木瓜水加米涼蝦,用木瓜籽煮出來的木瓜水有啫哩的口感,加上玫瑰糖作調味,然後仲有用米粉做成的米涼蝦(因形狀似蝦而得名),煙煙韌韌好過癮!

避開人潮前進小石林

離昆明不遠的石林是世界地質公園,又係中國南方喀斯特地貌嘅表表者,全年都迫滿哂遊客,想睇又唔想同人迫,一於去離石林只有8公里嘅乃古石林啦!乃古石林的最特別之處就係成片石林都係黑色!原來「乃古」二字係當地少數民族彝族的撒尼语,意思就係古老同黑色咁解。乃古石林的樣貌奇特,連綿嘅黑色石柱加上風化造成咗與別不同的風景。最正係呢度嘅遊客人數少好多,而且乃古石林前方種落咗一大片波斯菊海,每年一到七、八月夏天的時候,大片波斯菊盛放,襯埋後面嘅石林陣一剛一柔,成個畫面極其唯美,影相一流!

乃古石林
地點︰雲南昆明市石林縣
門票︰人民幣$125
交通︰昆明客運中心站、東菊客運站乘昆明開往陸良、羅平、師宗、興義的巴士於石林落車。

LOAD MORE