冰鎮護膚品有效嗎?

By COSMO

曾聽過有人話將青瓜、蘆薈等天然蔬果放入雪櫃冰鎮,再敷上面,可以發揮天然嘅美容功效。其實護膚品都可以冰鎮,尤其係夏天時分,冰凍嘅護膚品可以為皮膚降溫,仲有收細毛孔,刺激血液循環,改善出油過度嘅清況。而對於喺夏天遇上曬傷同泛紅嘅問題,都可以有即時嘅紓緩效果。

護膚品冷藏於10至18度之間已可提升護膚功效,但千祈唔好放入冰格,因過低嘅溫度會令護膚品變硬,甚至出水。另外,要避免經常將護膚品拎出拎入雪櫃, 一旦放入雪櫃,就要一直都放雪櫃儲存,否則容易令護膚品變質。

LOAD MORE