大晒冷!城中特色月餅一覽

by 韋寶

每一年嘅月餅都有唔少新口味推出,所以CG!就為大家搜羅咗城中超過20款嘅特色月餅,等大家可以搵到「最愛」同屋企人過節!
 
La Maison du Chocolat月亮朱古力禮盒 / $390
內含以來自加納嘅可可豆製成嘅阿科松博口口香1粒、4粒含有焦糖焙山核桃碎嘅牛奶朱古力,以及4粒散發淡淡焦糖香味嘅純黑朱古力。
 
禮劵由即日起可於專門店優先訂購,禮盒則於2014年8月15日起在專門店發售。
迷你榴槤冰皮月餅 $298 / 8件
斑蘭潮式芋泥月餅 $308 / 8件
九龍香格里拉大酒店除咗有首次推出嘅迷你榴槤冰皮月餅,仲有我好鍾意嘅斑蘭潮式芋泥月餅!前者採用產自馬來西亞嘅優質D24榴槤製成,而後者則採用新加坡進口嘅新鮮斑蘭葉製成斑蘭汁,再搓入潮式酥皮並配以芋泥製成。
 
即日起接受預訂,供應期至2014年9月8日。
 
斑蘭潮式芋泥月餅換領日期:2014年9月2日至9月8日
迷你榴槤冰皮月餅換領日期:2014年8月1日至9月8日
優惠:2014年8月3日前付款可獲8折優惠

低糖雙黃白蓮蓉月 $298 / 4個
馬哥孛羅酒店今年首度推出低糖雙黃白蓮蓉月,呢款月餅採用由天然植物提煉嘅麥芽糖醇製造,佢嘅甜度同傳統月餅採用嘅白砂糖相若,但糖分只有白砂糖嘅十分之一,卡路里亦比白砂糖低約一半,啱晒注重健康嘅人啊!
 
優惠:2014年8月31日前可以優惠價每盒$268元訂購,電話:2113 7828
agnès b. DÉLICES奶黃月餅禮盒 $200  / 2個
呢款兩個裝嘅奶黃月餅禮盒唔單止靚,入面仲有64% 黑朱古力奶黃月餅及85%特濃朱古力奶黃月餅各1件,兩款都係品牌今年全新推出嘅朱古力奶黃月餅嚟架!
 
Lovable  b. Lapin朱古力月餅禮盒 $340   / 4個
內有4款唔同口味嘅月餅各1件,包括芒果芝士牛奶朱古力月餅、雜莓黑朱古力月餅、杏仁野草莓牛奶朱古力月餅、榛子餅乾黑朱古力月餅,另外仲有造型非常可愛嘅b. Lapin中秋黑朱古力!

如果你鍾意食macaroon,就可以試試Paul Lafayet全新嘅馬卡龍中秋節限量禮盒啊!
Jean-Paul Hévin朱古力巴黎鐵塔 / $628
呢個高20cm嘅朱古力巴黎鐵塔朱古力濃度達百分之六十四,手工非常精緻,而且仲係首次喺香港出售啊!
 
巴黎圓月月餅 $88 / 個
共有兩款口味,包括黑朱古力外層配紅梅忌廉夾心及黑朱古力外層配紐結糖杏仁榛子蓉夾心。我試過後者,真係好好味,甜度適中又唔漏,而且好香榛子味,入面仲有少少脆脆添!
 
「月之光」禮盒裝 $368
禮盒中有上述兩種口味嘅月餅,共四個。
 
銷售點:中環擺花街13號
鮮鳳梨奶皇蛋黃月餅 $268 / 6 個
8 度海逸酒店將佢哋好出名嘅鮮鳳梨批嘅秘方加以改良,以芥花籽油製作出鮮鳳梨奶皇蛋黃月餅!呢款月餅採用菲律賓新鮮菠蘿,加入麥芽糖、金獅糖膠及有機黃糖慢煮,再配以奶皇及蛋黃,做法好特別呀!
 
即日起接受預訂,換領期:2014年8 月1 日至9 月8 日止。
優惠:2014年8 月28 日或之前於酒店網店eShop預購,可享7 折優惠。
 
查詢:2126 1960

望月 x 豆腐人迷你酥皮奶黃月餅套裝USD 30.70(約為港幣$238)
嘩嘩嘩,呢個豆腐人月餅真係整得好似呀,我唔係豆腐人粉絲都超鍾意佢!呢個套裝唔單止有4件豆腐人迷你酥皮奶黃月餅,仲有個2”夜光豆腐人公仔,真係粉絲必買架!
 
訂購詳情:DEVILROBOTS SIS
HeyYO!! 金紗雪月雪糕月餅 / 4個
一盒共有4款口味嘅雪糕月餅,包括忌廉曲奇雪糕、意大利開心果雪糕、脆米朱古力雪糕及粉紅佳人乳酪雪糕,每款入面都有原粒金莎架!當中開心果雪糕係將開心果磨成蓉製成,係品牌嘅新口味雪糕啊!
 
價錢:1/7 - 28/7:$248、29/7 - 18/8:$263、19/8-6/9:$278
店址:銅鑼灣皇室堡地庫B71號舖 
月餅換購期:12/8  –7/9 
最後換領日:7/9 
帝苑酒店迷你陳皮豆沙 / 6個
帝苑酒店嘅迷你陳皮豆沙月餅唔單止係今年嘅新出品,而且仲採用咗15年嘅新會陳皮配合自家炒紅豆製成,睇見都想食呀!
 
價錢:8月13日或之前訂購:$268、2014年8月14日或之後訂購:$348
 
地址:尖沙咀東部麼地道69號帝苑酒店地下
國金軒燕窩南瓜軟心月餅 $238 / 8個(2014年7月31日前預購優惠)
呢款限量發售嘅月餅以香脆嘅牛油曲奇外層,包住日本北海道鮮南瓜蓉及印尼燕盞,據聞舊年好快就沽清,想試就要快啲去買喇!
 
註:2014年8月31日前預購$298、2014年9月8日前購買 $368)
 
翠亨邨40周年限量版八星迎月禮盒 $258 / 9個(7月31日前預購優惠)
呢個禮盒共有5款不同口味嘅月餅,包括懷舊冬蓉、陳皮金桔、清香鳳梨及香滑奶皇各兩個,再伴以三黃白蓮蓉月一個。
 
註:2014年8月31日前預購$288、2014年9月8日前購買 $318)
九龍酒店精緻酥皮奶黃雙映 $68
「迷你酥皮奶黃月餅」$298 / 8枚
「精裝金箔奶黃月餅」$468 / 12枚
九龍酒店今年除咗經典嘅「迷你酥皮奶黃月餅」,仲增設咗迷你裝「精緻酥皮奶黃雙映」(一盒兩枚)及尊貴裝「精裝金箔奶黃月餅」以供選購,每件「迷你酥皮奶黃月餅」都係根據秘方以人手製成,而且無添加人造色素及防腐劑架!
 
即場發售:即日起至 2014年9月8日親臨酒店大堂選購
查詢:2734 3840   
流心奶黃月餅 原價:$178 / 4個、特價:$98 / 4個 
奶黃月餅就食得多,流心奶黃月餅就第一次見!呢款流心奶黃月餅唔使加熱就可以做到自然流心嘅效果!如果想有加倍流心嘅話,就可以喺常溫下以微波爐(1000W)加熱3至5秒享用!
此外,美心今年仲推出咗LINE FRIENDS 奶黃月餅禮盒米奇米妮小火車造型冰皮月餅禮盒,造型好得意架!
 
鴛鴦奶皇禮盒 $188 / 8個
如果你好似我咁,係奇華奶皇月餅嘅粉絲,就可以揀呢個禮盒!呢個鴛鴦奶皇禮盒入面,有迷你朱古力奶皇月及迷你蛋黃奶皇月各四個,當中朱古力奶皇月係用法國空運到港嘅朱古力製成架!
 
精選迷你熊貓月餅禮盒 $188 / 6個
迷你熊貓蛋黃奶皇月 $128 / 4個
精選迷你熊貓月餅禮盒仿照竹筒外型設計,將禮盒左右拉開就會見到熊貓造型嘅迷你蛋黃純白蓮蓉月、迷你蛋黃豆沙月及迷你金華火腿月!而附有手挽嘅迷你熊貓月餅禮盒唔單止方便攜帶,入面仲有四個熊貓造型嘅蛋黃奶皇月呀!
GODIVA 中秋節朱古力禮盒1 顆裝 $150
我自己都幾鍾意一個裝嘅月餅,因為小食多滋味嘛!而呢款禮盒有兩種口味俾你揀,包括牛奶朱古力同黑朱古力。
 
GODIVA 中秋節朱古力禮盒2 顆裝 $298
如果想試晒牛奶朱古力同黑朱古力兩款口味,就可以揀呢個兩顆裝啦!
 
GODIVA 中秋節朱古力禮盒9 顆裝 $428
我覺得上面嗰兩款比較啱自己買返屋企同家人開心share,而送禮嘅話我就會揀呢個以八顆迷你月餅圍住一顆大月餅、寓意八星伴月嘅禮盒!
 
優惠:
1. 購買以下產品可獲贈中秋節巧克力禮盒1 顆裝乙份:
-中秋節巧克力禮盒滿$800
-購物滿$1,000
2. 單次購物滿$1,500,可享85折優惠及禮品價值$68
3. 購買中秋節禮盒及禮籃可享85 折優惠(須出示GODIVA V.I.P. 卡)
4. 以優惠價$105購買中秋節巧克力禮盒1顆裝(須出示GODIVA V.I.P. 卡)
 
條款及細則:
須包括最少一盒中秋節巧克力禮盒。
優惠以單次購物及折實價為準。
優惠1 及2 不適用於購買禮籃。 。
優惠1 - 3 有效期至2014年8月24日。
優惠不得與其他優惠同時使用,送完即止。
圖片只供參考。如有任何爭議,GODIVA Chocolatier (Asia) Limited 保留最終決定權。
LOAD MORE