如何令男友炫耀幸福?

By COSMO

好多女人唔認同自己男人嘅一啲嗜好,嫌佢哋會少咗時間陪自己,或者嫌佢哋浪費金錢,而呢樣嘢往往係吵架,甚至分手嘅導火線。不過呢,女人唔會將自己買衫買化妝品做facial……納入「嗜好」之列,於是自己花錢就係必需、理所當然,男人花錢就係浪費、唔成熟……

其實呢,如果女人可以支持男人做自己鍾意嘅事,男人會對佢另眼相看之餘,仲會更加疼錫佢。以下提供真人真事兩則,兩個女人、兩種態度,獲得截然不同嘅愛情關係

‧男人鍾意玩音響,女友一直好反感,兩人總係為咗呢件事吵吵鬧鬧。男人無論係去行音響舖、買新Hi-Fi線都要鬼鬼祟祟、搵藉口。久而久之,男人習慣咗咩事都唔向女友坦白,更遑論其他心靈上嘅分享了。結果,佢哋因為一個耳筒,結束咗四年嘅感情。

‧男人鍾意行山,除咗工作,閒暇時間大部分都放喺行山活動上,女友送佢多功能高科技背囊,男人樂不可支,不時向行山朋友炫耀幸福,仲花更多時間陪女友!同時,無論去邊度都盡量帶住女友,等她參與、分享佢嘅生活,所以二人嘅感情越來越親密。

LOAD MORE