大閘蟹控必食!時令六月黃菜式

by 韋寶

我一向都係大閘蟹控,不過仲有幾個月先到當造期。如果你都同我一樣好想「止下癮」,就可以食六月黃菜式啦!所謂六月黃,就係大閘蟹未成年的品種,由於佢只經歷咗三次脫殼,所以又被稱為「童子蟹」!
大家一定一定要試呢個香酒醉六月黃(每隻$108),佢係用酒浸嘅生大閘蟹,啲酒完全滲透咗入去蟹肉同蟹膏,酒香有幾濃可想而知,加埋啲蟹膏,是無敵的!另一推介係勝瓜百頁煮六月黃(每份$198)同椒鹽六月黃(每份$220),前者喺六月黃嘅浸煮下,啲勝瓜非常鮮甜,連平時不好勝瓜嘅我都食咗好多呢!至於椒鹽六月黃則香口得很,好惹味呀!
此外,六月黃菜式仲有六月黃蟹粉銀絲(每位$118)、蟹粉小籠包($168 / 5隻)及黑椒炒六月黃(每份$220)等。同埋嚟到呢度,記得唔好錯過一口千里香(即臭豆腐 / $78)、綠楊素菜包($65)同三鮮窩貼($65),因為呢幾款嘢食都整得很不錯,尤其窩貼係煎得好香脆架!
 
上海綠楊邨酒家
地址:銅鑼灣告士打道280號世貿中心11樓
電話: 2881 6669
六月黃菜式供應期:即日起至八月底
LOAD MORE