CG! X Kiehl’s清爽美肌工作坊

by Stephanie

夏天最令人困擾嘅就係油光滿臉嘅問題,到底應該點樣選擇適合夏天使用嘅面部護理產品呢?Kiehl’s「特效清爽保濕系列」可為皮膚注入並鎖緊水分,同時可調節油脂分泌,咁就可以解決油光滿臉嘅煩惱啦!
早前一班CG!讀者參加咗CosmoGIRL!同Kiehl’s合辦嘅清爽美肌工作坊,一齊體驗夏日清爽保濕嘅感覺!
當日特別邀請咗CG! Beauty Editor Beth分享夏日保濕貼士!Beth表示夏天時皮膚排油量會增加,導致油光滿面,好多人都以為勤啲洗面就得,但其實真正嘅解決方法係要好好為肌膚保濕,Beth仲有教在場讀者應該點樣選擇適合自己膚質嘅保濕產品添!因為只要選用合適嘅保濕產品同做足護膚嘅程序,就可以大大減少出油嘅機會喇!
之後讀者們就即場試用Kiehl’s特效清爽保濕系列,親身感受全天候都清爽涼快嘅保濕感覺!
除咗選用保濕產品,多食含有維他命C、E嘅水果都有助為肌膚保濕,所以另一個環節就讓讀者們一齊學整奇異果藍莓薄荷特飲!只需要簡單嘅材料(奇異果、藍莓、薄荷葉同水),就可以炮製一杯既消暑又有美肌功能嘅特飲喇! 
最後大會安排咗Kiehl’s 護膚專家Jennifer為大家介紹適合夏天使用嘅護膚品,當中包括全新配方嘅特效清爽保濕啫喱乳霜!呢款啫喱乳霜有深層保濕同修護功效,且不含油分、質感清爽,可以令水油更加平衡。配合特效清爽保濕系列嘅其他產品使用,保濕同控油效果仲會更加顯著!
完成工作坊後,大家都獲得夏日美肌套裝一份(價值$270),滿載而歸呢!
Kiehl’s特效清爽保濕系列產品(左至右):
1.特效清爽保濕潔面啫喱 ULTRA FACIAL OIL-FREE CLEANSER $ 175/150ml
2.特效清爽保濕啫喱乳霜 ULTRA FACIAL OIL-FREE GEL CREAM $ 295/50ml
3.特效清爽保濕爽膚水 ULTRA FACIAL OIL-FREE TONER $ 215/250ml
LOAD MORE