編輯推介:CLINIQUE聲波淨透潔膚儀

by 韋寶

上次出席完CLINIQUE嘅聲波淨透潔膚儀發布會,返屋企試用完一星期之後,我已經愛上咗佢。因為呢部洗面機嘅機身細細,而且非常輕巧,無論係用嚟洗面或沖涼都非常方便!
佢最特別嘅地方係採用咗聲波科技,即利用聲波速度震動,唔會好似旋轉科技咁喺皮膚表面旋轉,咁就唔會拉扯到皮膚啦!而且呢個橢圓形嘅刷頭係由皮膚科專家設計,一個刷有兩種唔同柔軟度嘅毛毛,白色嗰邊非常柔軟,要嚟清潔面頰及油脂分泌較少嘅部位,而綠色無咁軟身嘅部分,就要嚟清潔T字位,即係一個刷已經適合全面使用喇!
 
而佢最令我impressed嘅,係用完之後塊面真係乾淨咗,尤其係鼻位嘅粉刺同黑頭都少咗!而且用完佢洗面之後,搽上護膚品都會比較吸收架!仲有仲有,我覺得用佢嚟清潔頸位同耳背後嘅位置都好方便呢!
 
價錢:$890,包括機身、充電座及刷頭各一個
更換式刷頭:$220
LOAD MORE