慳錢keep fit大法!

By COSMO

 
唔少人將keep fit同金錢掛鈎,例如join跳舞course、參加最貴嘅gym、請personal trainer等等,錯覺以為使得越多錢,就越有效果。其實想keep fit,唔使大灑金錢,最緊要係個人嘅決心。
 
最唔花錢嘅方法當然係跑步,又或者每日快行半個鐘以上,當然,唔係人人都鍾意呢類型嘅運動,不妨考慮以下4個建議:
 
1.如你比較鍾意做gym,又嫌會費貴,不妨向心儀嘅fitness club提出要求,設計一個比較相宜嘅plan,例如只喺week days去或者只喺上午去。要記住到時一定要預先set定一個budget,保持頭腦清晰,唔好俾sales講多兩講,就加錢幫襯未必用得着嘅貴plan。
 
2.如果公司距離屋企唔太遠,可以考慮踩單車返工,健康之餘,仲可以慳埋交通費,順便為環保出一分力。
 
3.重複做運動,有時都幾悶,所以一對好嘅運動鞋、易用嘅心跳計、輕便嘅mp3,又或者係手機計跑程嘅app,都係「俾得過」嘅長線投資。
 
4.坊間有唔少運動會、跑步會、行山會……揀一個有興趣嘅去加入,同其他志同道合嘅人一齊參與活動,甚至組隊參加比賽,一嚟可以練習時有個伴,二嚟可以令鍛鍊變得更有目標。
LOAD MORE