曾經出軌,如何重建信任?

By COSMO

 
你好呀~
 
我而家同女朋友發生咗問題!!!我唔知點做,希望你睇完之後可以俾意見我。
 
其實我同女朋友係舊公司識嘅,我22佢24,識咗都10個月了,我哋識咗3個月,我已經同佢訂咗婚,計劃埋結婚嘅事。本來都好地地,雖然有多方面問題要處理,但係我哋都好開心同好愛大家。
 
但從今年開始,就開始發生好多問題,例如突然經濟周轉唔來,工作失意大家都轉咗3份工、拖欠卡數、身體健康出現問題咁,家庭壓力等等,大家嘅心理素質都唔好。我唔知發咩神經,好唔理智咁去咗一樓一。我以前係無做過呢啲嘢,之後我好後悔,好難受,日日見到佢就好似提醒自己對唔住佢。本來我諗住就咁呃佢一世,但我過唔到自己個關,終於我係上個星期同佢坦白咗。
 
佢情緒崩潰,喊咗幾日,我都唔知可以做啲咩(我哋同居),發生之後嘅第二日佢同我講佢原諒我,好理智咁坐落來同我分析。我呆咗,一度懷疑佢係想報復定係真係原諒咗我,我哋之間多咗一份猜疑,我喺佢心目中都誠信破產,我好想挽回呢段感情關係,想返番以前咁,但係我真係唔識處理。
 
我答應咗佢每個月出既糧都交晒俾佢,同埋守行為,希望得到佢嘅原諒。
希望你可以睇完後可以快啲回覆,我好想知道應該如何是好。
分開?繼續?
 
Angus
 
喂,Angus兄:
 
我真心唔明你的問題在哪。人哋咪好理性咁分析,同埋原諒你囉,你疑惑甚麼?
還是,你潛意識不想這麼年輕就settle down?
 
話時話,是甚麼原因令你倆在拍拖3個月內就要訂婚?你們是基於甚麼原因認定對方?
長久的愛情關係一定會經過風風雨雨,經過今次,你倆學懂了怎樣一起面對未來不能預知的人生挑戰嗎?
 

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-maileditorial@cosmogirl.com.hk 跟我分享及討論啊!:)Subject: ask joven

歡迎加入Joven Love    Life Coaching Fan page

Joven's Blog - 30 Minute Love Affair

Love

LOAD MORE