唔想男友去exchange,好矛盾......

By COSMO

Dear Joven: 
 
呢次係我第一次send email嚟,希望可以得到你的意見。
 
我同而家的男朋友已經叫喺埋一齊5年,但當中我哋分過手,原因係佢鍾意咗第二個,背叛咗我。我知道咗之後好唔開心,雖然自己主動提出分手,但係實際上決定分手嘅係佢。之後佢有試過同嗰個女仔一齊,但係大家性格唔夾,結果佢放棄咗。之後佢有同唔同的女仔曖昧,最後搵返我,話發現原來自己好蠢,最好的已經喺身邊,但係就放走咗我,希望可以同返我一齊,因為我對佢仲有感覺仲係愛佢,而且佢中學讀男校,又比較少參與有男有女嘅課外活動,我覺得可能佢一時分唔清對朋友之間的好感同愛情的好感,所以我決定同返佢一齊。只係我對佢無晒信任,因為當時佢講大話呃我,我覺得只要我一搵佢唔到,或者佢話佢有嘢做而唔可以見我,佢就係約咗女仔,又或者喺Facebook WhatsApp度flirt女仔,佢知道我的難過,所以佢有努力做好,例如佢比咗佢嘅password我,而且除咗學業上,都唔會同女仔有咩聯絡,亦會話比我知佢去咗邊做啲咩,介紹我比佢啲朋友識......
 
但係佢前排收到大學send嚟嘅e-mail,話佢知佢嘅exchange application is approved。佢好開心,因為佢真係好想去,但係又好矛盾,因為佢知道我唔想,我信任唔到佢,而且我身邊有唔少朋友去exchange的經驗,令到我更加唔放心,雖然只係一年,但係我覺得只要佢一去,就等同再次拋棄我,就等同佢唔會再返嚟,會有唔同程度上的背叛,但係理性上話我知,其實機會真係好難得,唔應該因為我而放棄呢個機會,而且只係一年,聖誕節我又可以飛去搵佢,咁都係半年左右啫。但係......我真係相信唔到佢,我覺得佢會做出一啲我永遠無辦法原諒同接受的事,我好想佢可以因為我而唔去,但我知佢唔會,我又唔想受傷害,所以我想分手,不過佢知道咗之後佢好難過,佢好唔想分手,好唔想再次失去我,但同時又好想去exchange,我哋大家都好困擾,大家都明白只要佢一去,我哋就無可能一齊,但係佢又無理由唔去,你可以比啲意見我嗎?
 
煩惱的N
 
Hi N:
 
講真,你們的問題根本已經存在,即使他留在香港,你也對他沒信心。
信心這回事,必須兩個人努力。你亦要搞清楚自己不能再相信他的原因:是他還做着令人懷疑的事?還是你對自己無信心?你的童年過得怎樣?和家人的關係怎樣?
 
遠距離戀愛需要更多的互信和努力,你倆都準備好了嗎?講真,如果你根本對這個人無信心,
無論他身在何方,結果都是一樣。
 

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-maileditorial@cosmogirl.com.hk 跟我分享及討論啊!:)Subject: ask joven

歡迎加入Joven Love    Life Coaching Fan page

Joven's Blog - 30 Minute Love Affair

Love

 

 

LOAD MORE