令你即時解憂的方法!

By COSMO

有啲人習慣一唔如意就借酒消愁,意圖飲個「痛快」。不過,研究發現當人感到悲傷、痛苦同憤怒嘅時候,可以飲多幾杯──水!

原來,當人好嬲或者受到恐嚇時,例如同親人嗌交、受到其他人責備等,人體就會分泌一種腎上腺素,亦被稱為「痛苦激素」。呢種激素會令人心情低落、鬱鬱不歡、沒精打采,嚴重時更會引起大腦思維混亂,手震腳震及想喊。

呢個時候,多飲水可以幫助身體排出「痛苦激素」。當然,汗水同淚水都有助於減輕壞情緒。所以,當心情鬱悶時,可以多飲幾杯水,跑跑步又或者做家務,等身體出出汗或者大喊一場嚟排解。

LOAD MORE