編輯推介:來自泰國的強勁防蚊膏!

by Karen C.

夏天其中一樣令我討厭嘅事,就係多蚊!我就算係等巴士5分鐘,都可以俾蚊咬到成腳都係,去郊外更加唔使講,必定會「壯烈犧牲」,成為蚊子嘅午餐/晚餐,朋友都叫我做「人肉蚊香」,企喺我隔離佢哋就唔會俾蚊咬,我諗,我啲肉實在太肥美了。

其實俾蚊咬除咗會好痕之外,仲會令皮膚又紅又腫,忍唔到手去抓的話,更會留有蚊印,真係好難睇……不過,我終於搵到一支可以對抗蚊子嘅強勁防蚊膏!

之前去泰國,聽朋友介紹呢支「Soffell Mosquito Repellent Lotion防蚊液」話好用,二話不說買咗幾支,價錢大約係五十多泰銖。

首先,最鍾意佢係花香味,絕對唔係平時啲蚊怕水味,喞出嚟好似平時啲乳液咁,好易推開,就當搽body lotion吧。當然佢嘅防蚊功效真係好好,試過企喺草叢邊等車,周圍嘅人不停趕蚊,我即時狂搽呢支防蚊膏,最後完全無俾蚊咬到,好開心呀,哈哈!

建議大家下次去泰國嘅時候買返幾支傍身,又或者做手信都係唔錯嘅選擇呢!

LOAD MORE