品嘗正宗台灣美食!cafe TOO自助餐

by 韋寶


素聞港島香格里拉大酒店cafe TOO嘅自助餐好好食,啱啱終於試咗啦,而且呢段時間仲有嚟自香格里拉台北遠東國際大飯店嘅劉冠麟 (Eddie Liu)師傅所炮製嘅一系列台灣著名地道菜式及小食,包括佛跳牆、宜蘭味鴨賞、安平蚵仔煎、沙茶牛肉及台灣滷肉飯等美食。
當日我就試咗紅蟳蒸米糕、牛肉麵、三杯雞、鳳梨豆醬蒸蝦、愛玉及花生湯等。當中最叫我難以忘懷嘅,就係紅蟳蒸米糕,呢道菜將蟹放喺加入咗魷魚同五花腩嘅糯米飯上面蒸架!由於啲蟹極多膏,糯米飯吸晒蟹嘅精華,真係非常好味!

至於其他菜式亦非常讚!三杯雞既香且惹味、牛肉又腍又滑,愛玉係以正宗方法去整,要花好多功夫架!不得不提嘅係,鳳梨豆醬係師傅專程從台灣帶過嚟,好少可以喺香港食到!如果大家都想試,就要快啲去喇,因為供應期係由即日起至2014年6月15日啊!
 
查詢或訂座:2820 8571
LOAD MORE