創意滿分!風水幸福壽司

by 韋寶

呢排咁熱,真係好唔想食熱嘢,所以食壽司就最啱啦!九龍香格里拉大酒店灘萬日本料理新推出嘅風水幸福壽司系列,唔單止賣相吸引,而且背後嘅創作靈感仲好特別!
呢個系列嘅壽司全部都運用咗「五行」學說嘅概念,所以每款創作中均採用咗木、火、土、金、水相對嘅顏色青/ 綠、赤、黃、白及黑為主要色調,每款壽司嘅設計都好有心思架!
當中我最鍾意嘅係風水幸福卷($280),佢係用咗深海池魚、金槍魚、平目魚及魚籽等製成,味道好豐富!而太極壽司飯($230)都係我嘅至愛,因為佢用上金槍魚、白身魚、三文魚及甜蝦等美食砌出來,賣相靚之餘,食材配搭出嚟嘅味道又好夾!
此外,仲有以秋葵、茗荷、小粟米、蘿蔔漬物及椎茸菇製成嘅風水幸福野菜壽司( $180),啱晒鍾意食素者呀!而要數最好玩嘅,就係自家製風水幸福手卷($280)啦,因為你可以按喜好加添金槍魚、海膽、三文魚籽等食材上去壽司上再捲成手卷架!
仲有仲有,嚟呢度一定要食天婦羅,因為個粉漿薄得嚟,我浸完個汁仲係脆脆哋,而且一啲都唔油膩,連平時驚喉嚨痛所以好少食炸物嘅我,都食晒成碟呀!

地址:

尖沙咀麼地道64號九龍香格里拉大酒店地下2層

LOAD MORE