討厭別人,因為討厭自己?

By COSMO

 
你鍾意同邊類人做朋友?同時,又有邊類人,你一見到就覺得對方乞人憎?
 
我哋對其他人嘅喜惡,其實好多時候都係我哋自己內心嘅投射。心理學家指出,我哋會傾向鍾意外表、性格、喜好同自己相似嘅人。因為喺內心深處,我哋都想讚自己,但係又唔好意思開口咁做,所以總係會不其然喜歡似自己嘅人,藉着對佢哋嘅喜愛,嚟滿足稱讚自己嘅欲望。
 
同樣,我哋討厭某人,係因為我哋喺對方身上,睇到自己乞人憎嘅地方,但又唔想承認,所以選擇性失憶、逃避,以討厭對方嘅方式表現出嚟。
 
所以,對於同一個人,唔同人會有唔同嘅觀感,因為大家都係好似照鏡咁去評價眼前嘅人。下次當你覺得某人討厭嘅時候,不妨先反省一下,自己係咪都同對方一樣,憎人哋之前,不如先改善自己。
LOAD MORE