遊走小法國!Showcase by bread n butter概念店

by 韋寶

一直都覺得香港人好忙碌,成日都好想我哋可以法國人一樣咁咁悠閒、咁慢活,而家有機會啦!
bread n butter喺中環蘇豪區開設咗佔地4,000呎嘅概念店Showcase by bread n butter!品牌希望將法國嘅生活態度同元素帶嚟香港,打造一個小法國,所以入到嚟真係令人覺得好relax架!
呢個概念店共分為5個區域,包括衣飾區、家品區、法式花店、以歐洲跳蚤市場為藍本嘅Lifestyle區域,以及café。當中Lifestyle區有多款由外國搜羅返嚟嘅復古家居擺設如時鐘、文具,廚房用品及香氛蠟燭等,當中我最鍾意嘅係呢個「手袋」,因為佢「真身」其實係一個砧板嚟,我覺得呢個設計真係好有創意呀!
而花店就特別以bread n butter嘅三大主線,包括Lounge Pink(粉色甜美)、City Purple(摩登優雅)及Party Red(高貴華麗)為概念去設計花束及盆栽!
至於café方面,就有多款crêpe薄餅供應。如果你有食過嘅話,都會知crêpe有分甜同咸,採訪當日我就分別試咗兩款,包括海鮮crêpe、素crêpe、日式綠茶紅豆crêpe及港式crêpe。當中最特別嘅係港式crêpe,因為係入面滿佈花生醬同煉奶,完全係一個夾餅版crêpe!而海鮮crêpe同素crêpe分別使用咗泰國虎蝦同意大利蕃茄,兩者用料都好足,而且食落唔會好漏!
此外,呢度仲有CG!們最愛嘅afternoon tea食架,呢個tea有crêpe、英式鬆餅及oreo cheese cake等,每日下午兩點半至六時供應。(價錢:$238 / 兩位)


地址:中環鴨巴甸街35號PMQ(元創坊)HG01 – HG05號舖
LOAD MORE