編輯分享:乾淨又易用嘅聲波潔膚機!

by 韋寶

坦白講,我個人真係好懶,要我花時間研究點用洗面機,同埋花時間拎部機出嚟用真係唔容易!不過素聞Clarisonic嘅聲波深徹淨膚儀好好用,所以我就試下啦!
 
一睇之下,我發現佢真係非常易用,因為開咗機後,只要依照住啲聲響提示轉換潔面位置,就話咁快完成咗一分鐘嘅「潔面之旅」,而且過程仲有按摩嘅感覺,好舒服呢!
呢部BEAUTY PLUS係Clarisonic全新2014春夏色彩系列嘅產品之一,機身上色彩繽紛嘅圖案,係以具有祝福意思嘅印度Henna身體彩繪圖案拼合而成,靚得嚟仲非常實用!因為佢配有面部刷頭同身體刷頭,後者可以有效為背部、腿部、 手臂、手肘及腳部去除多餘嘅角質同死皮!而由於用上全防水設計,故可以沖涼嗰陣用架。此外,佢仲備有三種速度俾你揀(用於面部),咁你就可以因應需要去選擇唔同嘅速度啦!

開頭我都會擔心刷頭較難接觸鼻翼同鼻翼兩邊嘅皮膚,不過用落又唔會喎,面部上每個位置都可以清潔得到,完全無難度!一洗完面,我就急不及待去睇睇效果如何。我習慣睇鼻翼同鼻翼兩邊嘅位置,因為我一向都超討厭啲黑頭同粉刺!嘩,睇落啲黑頭同粉刺明顯少咗,而且皮膚睇上去滑溜溜又有光澤,唔怪得友人話佢一用呢部機就上癮了!我覺得有咗佢,唔做facial都一樣可以擁有好乾淨嘅皮膚呀!
 
BEAUTY PLUS  每套零售價$1,990(有兩年保養)
套裝包括:機身、座枱座 、30ml 潔面產品一枝、60ml 潔體乳霜一枝,敏感肌膚臉部刷頭及身體專用刷頭各一個。
此外,同屬今年春夏色彩系列嘅Energy Mia 2同Joy Mia 2,就備有高、低兩種速度可選,機身嘅顏色同樣非常夏天呀!
 
ENERGY Mia 2 / JOY Mia 2 每套零售價 $1,400(有兩年保養)
套裝包括:機身、充電器、旅行保護盒、敏感肌膚刷頭及潔面產品一支。  
 
銷售點:銅鑼灣、中環 IFC連卡佛專櫃、金鐘 LAB Concept及 JOYCE BEAUTY
LOAD MORE