得罪上司的翻身妙法!

By COSMO

不幸得罪咗上司,無論係誰是誰非,都算係一件壞事。如果呢份工你仍然要繼續返,你都唔係無翻身嘅希望。

*首先,唔使向同事訴苦、解釋etc.,尋求其他人嘅理解或支持,一來你唔知對方有無私心,二來佢哋都俾唔到咩實際嘅安慰。最好就係自己理智地諗清楚問題嘅關鍵,搵出解決方法,令自己同上司嘅關係有個新嘅開始。

*之後,搵一個合適嘅機會消除同上司之間嘅隔閡,如果錯嘅係你,就勇敢承認,表明會以此為鑒。如果問題係喺上司身上,你可以搵個較輕鬆嘅時間,婉轉地同對方提出自己嘅諗法,用「自己一時衝動或表達/處理得唔好」作對方嘅下台階。咁樣有助恢復彼此嘅溝通。

*令唔開心嘅事情淡化,喺輕鬆嘅場合如聯誼活動、聚餐等,搵機會俾上司感受到你對佢嘅尊重,例如虛心向佢請教一啲生活上嘅問題,慢慢佢對你嘅敵意就可以淡化。

LOAD MORE