被男友騙過,對他失去信心......

By COSMO

Joven你好:

我一直都有睇你文章,但我今次真我不知如何是好,我唔想亦唔敢同任何人講,希望你可幫我吧,事情有些長,唔好意思。 之前我曾send過e-mail比你說我和男友F嘅問題,因他於上年生日以工作為由,但和ex慶祝為實,欺騙我,最後你教我回顧和他一起的日子,最後我選擇原諒他,但卻由這事開始對他不信任,質疑。

昨晚,他告知我和朋友於中環吃飯,但我竟然係太子見到佢架車,我心第一想是「他欺騙我?」打俾佢無人聽,訊息唔覆。到晚上大約10點,他告知我回到家,我立即走回車位,但發現車已走了,我唔知佢係咪真係回家,所以我搭車到他家,睇吓車是否回來及摸摸死氣喉,事實告訴我是真的,他今次沒騙我(我說回家這事)但對於他住彩虹,工作於銅鑼灣,朋友家係中環,車子係太子,我心實在太多疑問了,所以我問他「點解泊車於太子,但係中環食?」,佢話「車前晚泊於太子,因太大雨揸唔到,而昨天早上下雨,所以無揸返走。」我問佢我應該信你嗎,佢話唔信唔好一齊,又話同我一齊好辛苦好攰,身心疲累,更話現在愛我的分數,十分裏無一半,但我唔想分開。

我自問為佢改變了很多,但我一啲都feel 唔到佢為我改變了,我是天蠍座女生,我唔喜歡事情模糊地過,但佢只肯WhatsApp講,電話、面對面都唔肯,我應該點做,請指教。唔介意你post出來的,謝謝你。

W

天蠍女W :

我明白你曾經被騙,某程度上會有陰影,不過你男友也說得很對:如果唔信任對方, 真係唔好一齊。這樣大家都辛苦: 你要下下走去佢屋企,摸死氣喉除了浪費時間之外,也影響雙手的皮膚。

如果他真的欺騙你,他會覺得你討厭;如果他堂堂正正,又覺得好委屈,好大壓力。

除了今次車在太子事件,他還有甚麼令你懷疑的行為?理性冷靜一下,看看是自己疑神疑鬼,還是有證有據?

另外,你必須將感受跟他說清楚,如果他想用WhatsApp就先WhatsApp,至少這是他願意溝通的渠道。

你有察覺是甚麼時候他對你的愛開始改變?你為這段感情作出甚麼改變?你希望他有甚麼相應行為?

Btw,從來,我們都不應為別人改變,更別妄想改變別人。

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-maileditorial@cosmogirl.com.hk 跟我分享及討論啊!:)Subject: ask joven

歡迎加入Joven Love    Life Coaching Fan page

Joven's Blog - 30 Minute Love Affair

Love

LOAD MORE