心理測驗:你對愛情要求高嗎?

By COSMO

對於愛情,每個人嘅要求都唔同,究竟你嘅愛情態度係點?即做以下測試!

如果無聊出街逛下,又唔想空手而回,你會選擇買以下邊樣嘢?

A. 書,可以順便打發無聊嘅時間

B. 裙,買咗之後大把機會著

C. 水果,叫做洗錢同時照顧健康

D. 甜品,好睇又可以當一餐

結果分析

A. 書
你對愛情嘅要求比較高,如果對方唔係好有魅力,又唔可以俾到你心目中嘅浪漫生活嘅話,你唔會選擇開始戀情。記住,太挑剔會令你錯失好多機會,不妨降低少少要求,你會發現身邊其實都有唔少有potential嘅對象。

B. 裙
對於愛情,你要求唔算高,但就經常猶豫不決,被感性蓋過理性。一旦投入戀情,你會不顧一切,不過就只有3分鐘熱度,隔一段時間又會覺得自己揀錯咗。經常三心兩意嘅你,喺開展戀情之前,應該靜落嚟諗諗,搞清自己嘅感覺先做決定。

C. 水果
你對愛情毫無保留咁全心投入,不過亦同時要求對方一樣咁愛你。你嘅愛情觀好理想化,對另一半嘅要求亦比較苛刻,如果發現現實同你幻想中嘅唔同,你好易會大受打擊,又會用盡千方百計去令段感情更加完美。其實你要試吓凡事唔好執着,咁樣你同另一半都會輕鬆啲。萬一感情淡咗無法挽回,就要學習let go,而唔係死纏爛打。

D. 甜品
理智嘅你你對愛情嘅要求非常現實,你唔會為咗愛一個人委曲求全,亦從來都唔會委屈自己。雖然有時會一時被感情沖昏頭腦,但最終你都會回復理智。因此喺情路上,你不會係蝕底嘅一方,你嘅缺點係有時太計較付出,而忽略咗喺戀愛之中,感情係難以量化嘅。

LOAD MORE