擁抱可抗心臟病!

By COSMO

外國人成日見面都會擁抱打招呼,不過對於含蓄嘅中國人嚟講,抱抱只會留俾最親密嘅人。

有研究發現,一個包含咗愛護同關懷嘅擁抱,有助促進健康,對女性尤其有益。研究人員發現,短至10秒鐘嘅擁抱,就可以令到體內嘅催產素(一種做愛時會釋放嘅荷爾蒙,可以產生良好感覺)上升,從而促進血液循環、降低血壓,因此可減少患上心臟病嘅機會。而女性被擁抱,產生嘅催產素會比男性多。

擁抱好處多多,甚至可以令人更長命。英國有一項研究發現,每天擁抱2次以上嘅夫婦比從不擁抱嘅夫妻平均壽命多7年!不過同陌生人擁抱就未必有效,反而會令身體產生皮質醇,令人更加緊張。

LOAD MORE