編輯分享:夠晒控油的定妝粉餅!

by Karen C.

又到潮濕嘅春天,已經開始好注意溶妝問題,我最怕塊面「黐立立」,所以好用又夠控油嘅定妝產品係我嘅must-have,最近,試用咗Laura Mercier全新推出嘅柔焦隱形粉餅,效果好驚喜呀!

呢個柔焦隱形粉餅顏色透明,適合任何膚色使用。

平時喺屋企化妝我會用平頭掃上粉,雖然佢係透明,不過由於粉末夠細,都可以修飾到肌膚上嘅小瑕疵,令肌膚變得細緻。最令我驚喜係佢嘅控油效果,因為平時我嘅T-zone位都好易出油,但用咗呢個產品之後,比以前無咁快出油,就算出油都唔會出好多,補妝都補少咗!

粉餅仲附送粉撲一個,帶出街補妝都好方便。

LOAD MORE