5大男生令女生抓狂的懶人事件

By COSMO

愛情, 男女關係
 
好多小事,明明做咗會對自己好啲,但男生偏偏懶得去做,因而往往令女生抓狂:
 
1. 拖延時間:光管燒咗、窗簾鬆咗,男生會叫你無謂嘥錢搵人嚟修理,話自己會整,但通常等成個月或成年,佢都未「得閒」整。

2. 唔肯洗衫:佢哋寧願忍受污糟衫堆到成座山咁,都唔肯開機洗。就算會洗,都會懶得將唔同衣物分門別類嚟洗。

<<閱讀更多>>3個令男友即變唔型嘅行為!
愛情, 男女關係
 
3.唔用coupon:雖然明知可以慳錢,但男生會覺得用coupon好婆媽,成個師奶咁。而且佢哋成日都會整唔見細細張嘅coupon。
 
4. 積存舊物:男生鍾意儲嘢,例如體育雜誌、波鞋、模型、NBA明星咭……呢啲嘢可能堆埋一邊10年佢都無掂過,但佢又會擔心萬一丟掉,第日堆咭炒到成10萬蚊咁點算。
 
5. 唔睇醫生:傷風、感冒、發燒應該要睇醫生,但男生總會話:「得喇!唔使睇住。」藉此拖延時間,好多時結局係:拖極都未好返,甚至傳染埋俾身邊其他人。

<<閱讀更多>>壁咚以外,令人心動的5個動作!
LOAD MORE