Playboy有可能對自己認真嗎?

By COSMO

Dear Joven:

我鍾意咗一個浪子,佢20歲,雙子座,性格好奇怪,好低調,好鐘意自己一個同埋啲好另類嘅嘢,好有自己思想嘅男人。我哋係由朋友開始,開頭諗住玩下,有次醉咗同咗佢去開房,之後就已經諗住唔會點聯絡。點知我哋返咗英國之後佢自己搵返我,有時自己一個都會諗起佢,覺得佢好charming好特別,唔同一般嘅香港男仔。佢又會隔日搵我但係又唔會好密,因為佢好忙,佢係啲好專注學業嘅人。有時都會叫我去佢個城市度搵佢,因為我地都幾近。 我去過搵過佢兩次,有次仲住咗一個星期,佢每日都會諗好節目,帶我去玩去食好嘢,好gentleman好take care我,我哋做晒情侶會做嘅嘢,會拖住手出街,佢會無啦啦係條街錫我,因為我係啲好cheerful嘅女仔,成日都令到佢大笑,大家又會笑得好開心。佢亦都好鐘意同我喺埋一齊,而我又會對佢好好,幫佢煮飯做家務。但係,我地大家都係啲唔想拍拖嘅人,都講好咗話唔拍拖

原本我都係諗住玩吓,做下friends with benefit咁,但係由於我哋相處得越來越多,仲一次比一次sweet,試過一齊浸泡泡浴傾偈傾兩個鐘,係前所未有過咁sweet,佢亦都會好順我意,陪我做晒我想做嘅野,又會記得晒我講過嘅嘢even有啲我都唔記得,仲會比我寸,一啲都唔大男人。 慢慢令我覺得佢唔只當我係SP咁簡單,佢又會成日偷偷地錫我,有次我哋傾傾下計佢好sweet咁拎起我隻手錫我一下,嗰下我好冧,但係佢又會同我講佢唔可以對一個人對太耐,因為佢慣左自己一個,佢又會講佢成日帶其他女仔返屋企,而佢都知我好多人追,但佢從來唔會因為我同邊個男仔好close而呷醋,佢都知我本身好花心但從來唔會埋怨。

我本身都係一個playgirl,會好enjoy比好多男仔追同埋同好多人flirt,但係唔係個個都會上床。而我哋兩個都會成日大家寸大家、踩大家,講到一定唔會鐘意大家咁,但係我喺佢屋企住咗一個星期之後,佢送我走嘅時候佢細細聲講咗句:我好開心你過咗嚟!個次係佢第一次講呢啲嘢,我好冧,同佢sweet完一個星期之後,我唔係好想理我其他嘅追求者,因為我覺得個個都比唔上佢,有時真喺會好想得到佢,但係知道無可能,亦都知道再咁落去會越踩越深。

我原本都係諗住死都唔拍拖,因為俾上次個ex cheat咗好多次,hurt得我好深好深,但係我真係覺得同佢相處得好開心,大家諗嘅嘢又好似,係好難搵到一個人同我咁夾。之前所有男仔都無一個好似佢同我咁夾。我而家有啲想拍拖,想收起花心,好好同佢認真咁係埋一齊,但佢已經講過話自己無可能拍拖,如果我選擇停落嚟,我有無可能令到一個浪子愛上我,為咗我停落嚟?

我其實預咗自己再咁落去會好hurt,好似玩火咁,但係我想為咗佢停落嚟,我哋係咪無可能喺埋一齊?

Thanks for reading! 
Have a nice day xx

Margarita

Hi Margarita:

我諗有兩件事你要搞清楚:

1. 一段認真的關係和愛情,不在乎一齊浸浴 & 談心談咗幾耐,或者在街上偷吻你幾多次,而是雙方願意認真交住、go exclusive、了解你,並願意和你度過未來的日子,不論起跌。

2. 你願意停下來與否跟這件事完全無關,問題重點是:他有停下來的打算嗎? 你自稱playgirl,應該好明白一段無承諾,不用負責的關係開始一定好玩,好sweet:不需要考慮遷就包容,take your good or bad的問題。

玩一個星期,上上床,風花說月,然後各走各路無手尾,how relaxing呀!

如果你以這段時間的好sweet好冧來認定大家之間有愛,你又有愧於playgirl的稱號lor!無錯兩個人一定要有某程度上的夾才會有chemistry走在一起,這叫lust。 你搞得清楚甚麼是lust,甚麼是love嗎?

祝頭腦清醒!

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-maileditorial@cosmogirl.com.hk 跟我分享及討論啊!:)Subject: ask joven

歡迎加入Joven Love    Life Coaching Fan page

Joven's Blog - 30 Minute Love Affair

Love

LOAD MORE