做個決斷的女生!

By COSMO

生活

你係咪成日三心兩意,有「選擇困難症」?日常生活中嘅小事如食飯揀A餐定B餐,都係睇你口味,但面對重大抉擇時,以下方法或者會幫到你。

1. 理性的Pros and Cons

- 採用基本而有系統嘅方法,能有效地整理你混亂嘅思緒。

- 先將紙劃分成一半,將要決定嘅事嘅好處同壞處分別寫低,等自己一目了然。

- 為每一個Pro同Con定下清晰嘅底線,然後衡量邊啲因素對你影響較大,咁樣可以幫你理性地選擇。

生活

2. 相信第六感

- 閉上眼幻想一啲美好嘅事情(例如你屋企嗰隻擺尾嘅可愛小狗)時,你內心平靜嗎?再想想你可惡嘅上司/老師嘅模樣,你精神緊張嗎?身體有無隨着心情而變化(例如心跳加速、手心冒汗)?咁樣其實反映咗你如何面對正面同負面嘅思想。

- 而家再重新考慮你手頭上嘅難題,仍然精神緊張?放鬆心情吧!做你認為最feel good嘅決定。

- 記住:你嘅感覺往往相當準確,唔好再心大心細!



生活

3. 自編自導自演

- 演出真我:將你嘅決定當作係一齣戲嘅元素,然後隨心編寫佢嘅劇情,撰寫一個合心意嘅結局。

- 發揮你嘅創意小宇宙,唔好被「無可能」呢個框框限制。

生活

4. 你自己就係顧問

- 生意人先會聘請顧問給予專業意見,你自己嘅事,自己揸主意啦!

- 諮詢同你有相似情況嘅親朋好友,睇吓佢哋有咩建議,但佢哋嘅意見只供參考,你自己嘅睇法先係最寶貴。

- 想像需要建議嘅係你嘅朋友而唔係你本人,例如「佢」唔知應唔應該同男友分手,你會俾咩意見?嘗試以「旁觀者」身分俾意見自己。

LOAD MORE