5招將快樂無限放大!

By COSMO

有啲人日子過得唔開心,係因為覺得無咩值得開心,大概佢哋追求嘅係「大快樂」,細微細眼嘅「小開心」算唔上係啲咩。老實講,人生在世,邊有咁多令人又驚又喜又叫又跳嘅「大快樂」?反而「小開心」就好多!

唔好因為「小」就睇唔上眼,一來你可以積小成多,二來你可以將佢哋每一個稍稍變大,嚟一個「中快樂」都唔錯。將快樂放大嘅方法如下:

*凡事向好嗰面睇嘅人,一定係比成日要搵出十個錯處嘅人快樂

*假如你覺得食朱古力能帶來快樂,你越食得多,得到嘅快樂就會減少,少食多滋味就係呢個道理。

*有資料顯示,每日跳30分鐘健康舞比藥物更有效鬆弛情緒。

*假裝自己係個快樂嘅人,你會自自然然體驗到呢個角色嘅好處,例如識到更多朋友、人哋會對你更nice,慢慢你就會變成「假戲真做」。

*放低大人嘅「尊嚴」,做啲你細個時會令你發笑嘅傻事/遊戲,等你心裏面嘅inner child出返嚟,再次享受做小孩子嘅快樂

LOAD MORE