心理測驗:你了解男友嗎?

By COSMO

相信無女生願意被形容為「一啲都唔了解男友」,不過,你又係咪最了解佢嘅人?與其心思思、「籮籮孿」,不如同男友一齊做個小測試,就可以知道答案﹗

先自己回答以下問題,答完後,同男友證實答案。

1. 佢最鍾意嘅CD/樂隊/歌手係邊個?

2. 佢鍾意足球定係籃球多啲?

3. 佢成績最差嘅科目係咩?

4. 如果佢餘生只能夠食一種食物,會係咩?

5. 呢一分鐘,佢喺邊,做緊啲咩?

6. 佢最希望投身邊種職業?

7. 佢最近嘅兩位前女友嘅名字係咩?

8. 佢媽媽嘅中文全名係咩?

9. 佢認為點樣先算得上係知己?

10. 佢最鍾意你啲咩?

11. 佢最喜歡聽到咩稱讚?

12. 佢生活裏最大嘅恐懼係啲咩?
 

計分:第1至4題,答對得1分;第5至8題得2分;第9至12題得3分。



結果分析:

尚待努力(0至4分)

雖然你對佢嘅了解仍比較淺,但毋須太急進。想真正了解一個人,就要多多注意佢嘅說話,尤其係當佢談及自己嘅事情時。嘗試問一啲較深層次嘅問題,而唔係只問Yes/No題,等佢可以講多啲感受;不過都唔好好似記者訪問明星咁「八卦」,而係要俾佢感覺到你係出於關心,佢先會慢慢開放內心俾你了解。

由淺入深(5至15分)

你哋嘅認識已經不淺了,但如果你想更加深入了解他,不妨先踏出一步,剖白自己嘅真實感受,例如同佢分享你一啲童年往事,或者同佢講一啲你喺家庭同職場上嘅掙扎,然後問佢有無相似經歷。你嘅坦誠同真情,相信會令佢樂意同你分享佢心裏嘅想法。

知己知彼(16至24分)

你哋已經無所不談、無分彼此,你嘅男友好願意同你傾訴佢嘅想法同感受。不過,你唔好將佢嘅坦誠視為必然,或者係一種習慣。只有你繼續重視佢嘅坦誠,關心佢嘅感受,佢先會繼續同你分享心事。

LOAD MORE