了解你的性欲周期

by Miss Sex

點解男人覺得女人好善變?因為佢哋唔使嚟M,唔需要每星期經歷唔同的荷爾蒙變化。女人了解生理周期與性欲的關係,就可以煩少啲,唔使愁點解有時無mood,有時好似大食過身邊那位。

Week 1:由你來經第一日開始計。男性荷爾蒙睪丸素與雌激素從最低點慢慢回升,也因為妺妺血流暢旺,有些女人M到時,尤其第三四日會蠢蠢欲動。

Advice:月經時做愛除咗「lea hea」啲(記住鋪好毛巾啊),都無特別害處,唯一風險是陰道易受感染,所以仍要注意衛生和做好安全措施。

Week 2:啱啱M完個人特別輕鬆愉快,而睪丸素和雌激素持續上升,個人high high哋,諗多咗鹹濕嘢實屬正常。有時會不自覺著得靚啲同個妝化得「行」啲,見到男人亦會好積極咁flirt來flirt去(oops!)。這期間做愛特別易有高潮,高潮也更強烈,身邊男人唔知開心定擔心好。其實這是身體準備排卵的徵兆,亦是女性受孕的高峰期。

Advice:Miss Sex不嬲唔建議女人計安全期避孕,呢段時間更要萬分小心。不過如果你已計劃好生馬B,咁呢個星期要勤力哦。

Week 3:排卵開始,睪丸素和雌激素急跌,然後黃體素攀升,你的性致會跌至全月新低,無晒mood之餘,亦較難有高潮。

Advice:如果床上無乜好表現,就放過自己。男人想要而自己唔太有mood的話,可直接講:「我抱吓錫吓已經滿足架啦,你去馬啦。」為大家免除壓力。

Week 4:就嚟M到,當然忟忟憎憎,頭重重,勁想食朱古力。但M到前一兩日,有些女人會突然性起,專家相信跟下盤血流開始暢旺有關,令妺妺變得更敏感。

Advice:隨心而為。

當然,荷爾蒙只是女性性欲的其中一個因素。壓力、女人對性的態度、身邊男人是溫柔還是粗魯等等都有影響。對Miss Sex而言,想發脾氣、想鹹濕、想唔理人、想聊仔傾偈時,一句:「Oh, it’s my hormones!」真是相當有說服力的藉口。嘻。

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE