我是否被SP了?

by Miss Sex

Dear Miss Sex,

我同男朋友喺club 識。認識當晚就kiss、愛撫。第二日互認男女朋友,一星期後就做了。雖然如此,但我同佢之前都唔係性經驗好豐富的人(從技巧推測而且得到口頭證實)。一齊咗都一年,算係始料不及。而佢對我都算唔錯,去邊度都有交帶,每日佢主動搵我仲多過我搵佢,仲介紹我比佢啲朋友家人識,每次嗌交佢都會氹返我。

但有晚我趁佢媽咪公幹上去佢屋企過夜,所發生嘅事令我有點懷疑呢段感情係咪真係自己所想的美好。喺用完口之後,我就坐在佢上面做了(在床上佢總是懶懶的,這是另一個令我不滿嘅地方)。做做吓佢話攰,叫我用手(我不太熟練所以佢喺下面應該都唔太舒服)。咁我用啦,佢呢排跟緊project成日OT, 第二日星期六要返工我體諒。但之後佢係都要射喺我塊臉,我唔俾,佢就發脾氣,之後仲著褲起床。我嗰吓無著衫,覺得好委屈,好羞恥……我喊,最初佢都鬧我喊咩x嘢,之後我著衫話我返屋企,佢又即刻say sorry ,摟住我,又保證以後唔會再發生,講講吓佢又為傷害到我而喊埋一份……但始終我都係有啲懷疑……究竟係唔係咁嘅開始就會有咁嘅結果?係唔係同我一齊只想解決生理?

Cat

Dear Curious Cat,

Miss Sex本身想持平地講,喺club度識男仔都有機會搵到真愛,不過……喺現實生活我無親眼見過,亦都無發生喺自己身上。

有交帶、介紹朋友家人俾你識、嗌交氹返你之類的gestures,Miss Sex覺得不能作準,因為男人呃起女人上嚟,幾虛偽嘅嘢都做得出,分分鐘因為有所隱瞞而更加賣力做戲。當然,佢如果真心對你好,呢啲舉動算係例牌動作,總之不能反映甚麼有用的資料。

反而,男人在床上,最能反映他有的是獸性還是人性。Miss Sex經常鼓吹男女在性事上要做到give and take,即是有時你服侍他,有時他服侍你。雙方都有各自的權利和義務。

佢想你服侍,fine,這是他作為你男人的權利, 不過他亦要履行義務──就是要顧及你感受,確保你是心甘情願付出的。

佢想顏射你唔肯,就即刻著褲,咁同勒索有乜分別?着緊自己精液射去邊多過女方感受,無論雙方名義是情侶還是SP,都唔再重要,重要的是,這種委屈和羞恥,能否讓你願意繼續下去?

攝高枕頭諗諗佢。

Xoxo,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE