護眼必備!編輯評選6款眼膜

by Cynthia

天氣又凍又乾燥,除咗補濕功夫要做足之外,眼部護理都一樣唔可以忽視!今次CG!編輯特別精選6款不同品牌嘅眼膜嚟個大比併,幫你選出最適合嘅眼膜,令雙眼時刻保持醒神精靈!
 
高效篇
 
bliss Triple Oxygen Instant Energizing Eye Mask $425/4對
 
 
蘊含3種亮眼成分:活性氧氣、抗氧化維他命C及擊退眼腫之青瓜萃取物,能使雙眼回復明亮緊緻,重現生氣。
 
貼服度:★★★★☆(4星半)
吸收度:★★★★☆
補濕度:★★★★☆
 
總評:將眼膜紙同精華液分開嘅設計好特別,用嘅時候只需用力一按,眼膜紙就會沾滿最新鮮嘅精華液。眼膜大塊又夠貼面,可以全面照顧到眼周嘅範圍,敷完之後覺得眼部肌膚明顯變得水潤咗,黑眼圈亦有淡到。俾個小貼士大家,用之前可以先放入雪櫃雪凍個眼膜,敷上眼涼涼地(但亦唔會太冰,放心),消腫效果會更加好!
 
GLYCEL燕窩膠原緊緻修護眼膜 $1,800 / 6對

一盒有6支燕窩精華和6對膠原眼膜,燕窩精華加上積雪草及福壽螺精華,有助刺激膠原增生,增加皮膚彈性,令肌膚回復光滑。
 
貼服度:★★★☆☆(3星半)
吸收度:★★★★☆(4星半)
補濕度:★★★★★
 
總評:每次都用一支燕窩精華,雖然分量好似好多,但又真係吸收得好快。敷完之後,眼周肌膚變得水潤同緊緻,最驚喜係連眼底嘅網紋都明顯淡咗。膠原眼膜夠大塊,亦好貼面,不過呢個質地唔可以一次過吸收成支精華,敷嘅時候最好先搽部分精華喺眼底再敷上眼膜,之後再將剩餘嘅精華擠上去。
CLARINS Skin-Smoothing Eye Mask 舒緩眼膜 $340/30 ml
配方含有野玫瑰、杏桃與玫瑰水,有效排水、撫平與調理眼周肌膚輪廓,使肌膚瞬間感到舒適,並帶來光滑的膚質,更容易上眼妝。
貼服度:★★★★★ 
吸收度:★★★★★
補濕度:★★★★☆
總評:雖然眼膜擠出嚟係乳霜狀,但質地一啲都唔笠,而且吸收得超快,搽咗5-10分鐘已經完全吸收晒。敷完雖然無好濕潤嘅感覺,但緊緻效果都幾明顯,仲可以減淡到眼紋,值得一讚!
 
平價之選
 
Faith in Face Eye Am Not Tired Eye Mask售價:HK$69.9 / 3片裝
小米草和亞麻籽提取物可去除雙眸疲勞感覺,改善眼部血液循環和減少細紋,另外西蘭花和核桃提取物有助修復眼肌的健康。
 
貼服度:★★★★☆(4星半)
吸收度:★★★★☆
補濕度:★★★★☆
 
總評:敷完眼部肌膚變得水潤,而且黑眼圈淡咗少少。凝膠質地令眼膜可以緊貼眼底肌膚,不過比較細塊,而且精華分量唔算多,好快就被皮膚吸收晒。
《我的美麗日記》眼周極潤水凝膜HK$49 / 3片
高效保濕精華配方含玻尿酸及海洋深層水等高保濕成分,有助潤澤眼周乾紋。加上水凝膜材質夠貼服,同時提供即時冰鎮舒緩效果,輔助肌膚恢復原有平衡。
 
貼服度:★★★★☆
吸收度:★★★★☆
補濕度:★★★☆☆
 
總評:水凝膜嘅質地非常貼服,而且可以有少少拉提作用,增強緊緻效果。敷完眼周肌膚變得明亮水潤,係一個唔錯嘅平價選擇。
 
肌研Retinol Eye Mask $79/5 對
揉合維他命 A 誘導體、膠原蛋白及超級透明質酸成分研製, 提供全面的抗衰老功能,配合貼合眼形的布質眼膜設計,有助高效滲透肌膚,深入底層鞏固肌膚結構,改善眼紋及皺紋。
 
貼服度:★★★☆☆(3星半)
吸收度:★★★☆☆(3星半)
補濕度:★★★★☆
 
總評:布質眼膜好薄,不過邊位就唔夠貼服。呢隻眼膜精華分量充足,而且補濕唔錯,亦能淡化黑眼圈,但去紋效果就唔算太明顯。
 

CG! Tips

先將眼膜放入雪櫃雪凍再敷,可幫助改善眼部浮腫。
法令紋深嘅CG!,可以試下將有去紋/抗皺效果嘅眼膜敷係法令紋位置重點修護,會有淡紋嘅作用。
 

 

LOAD MORE