3招助你好好管理時間!

By COSMO

 
你原本打算4點要做晒手頭上嘅工作,但望吓個鐘,成5點都未開始做!經常時間「失控」,點先可以變得更有條理?
 
其實你有無計過,自己做唔同工作所需要嘅時間?試試喺一星期內,每次開始做一件事之前,先望望鐘,計吓自己要幾多時間去完成。咁之後就可以更準確咁安排自己嘅時間表,唔會以為一個鐘搞得掂嘅事,結果用咗大半日完成,搞亂晒之後嘅安排。
 
將你要做嘅事寫喺一個To-do List上面,當某些事情有改變,例如牙醫appointment突然取消,咁你就可以喺To-do List選擇其他事去填補空檔,唔會浪費咗啲時間
 
你成日要花時間去搵銀包、鎖匙等先出到門口,搞到遲到。不妨養成每日將物品放喺同一個地方嘅習慣,咁就唔使次次都浪費時間搵一餐。
 
LOAD MORE