見證最長泰迪熊行列!慈善泰迪熊下午茶

by 韋寶

香港麗思卡爾頓酒店(Ritz Carlton)將聯同童裝品牌Nicholas & Bears創造「世界最長泰迪熊行列」嘅紀錄!當日嘅慈善泰迪熊下午茶時段,將會有數千隻泰迪熊聚首一堂,為「願望成真基金」籌款,幫助受疾病煎熬嘅小朋友。而為咗打造最長嘅泰迪熊列隊,Nicholas & Bears特別設計咗一系列限量版毛絨泰迪熊,客人可於活動當日購買,所得嘅款項將全數捐予「願望成真基金」。
而當日嘅下午茶有多款好吸引嘅美食,包括腰果小熊杏仁餅、小熊朱古力棒棒糖、小熊杯裝蛋糕、泰迪曲奇及普洛賽克白葡萄小熊軟糖等,屆時你可以一邊食,一邊見證世界最長泰迪熊行列嘅誕生啦!
 
此外,當日喺酒店嘅天龍軒餐廳仲有個小型美術展,呢個展覽將展出一位癌症康復小朋友Kerry嘅畫作,當中包括以泰迪熊為主題嘅作品。除咗欣賞之餘,你仲可以即場購買佢嘅作品,所得善款將全額捐贈予「願望成真基金」,令更多受疾病所困嘅小朋友可以實現願望,真係好有意義架!
 
供應日期:2013年12月30日下午3時至6時供應
價錢:每位$ 498+10%(包括一隻由Nicholas & Bears設計的迷你限量版的毛絨熊)
LOAD MORE