發現男友嫖妓,應該點?

By COSMO

Dear Joven:  

在Yahoo見到CosmoGIRL!,牽起我寫呢個email的意欲。  

我跟我男朋友已經住埋一齊13年,大家都唔會諗住結婚,其實我哋嘅感情算好好,好似無乜風浪,但我自己有好多問題都好唔開心,希望你可以比啲意見我。    

我唔係覺得佢唔愛我,但佢好鍾意睇鹹濕網站,係差唔多日日都睇,我其實唔介意,亦都無辦法,但比我發現佢去一樓一鳳。 我知道之後好唔開心,問佢佢話一時糊塗,應承以後唔會再去,如是者都比我發現幾次,次次我都原諒佢。    

我真係好唔開心,我覺得我當然比唔上啲後生女,大家都40幾歲人,我又生過仔,點會有出嚟做啲女人嘅身材。但係我唔可以次次都當無事發生,除咗佢去滾呢啲問題之外,我哋相處其實一路都好好,佢放工會返屋企,從來都唔會去街,我都一樣,佢得閒仲會幫我煮飯。    

有啲人話男人天生好色,叫我隻眼開隻眼閉,叫我唔好check佢啲嘢,但我唔check佢又點知佢又呃我呢!  我唔知我應該點做呀!可唔可以教下我呢 :(    

美兒  

Love 美兒:  

首先,你要對自己坦白,究竟,你是否真心不介意他去滾?  

你們的相處真的沒有問題?還是只是一種慣性?

現在,維繫你倆感情的是甚麼?你怎樣形容你們的性關係?  

男人天生好色和他是否用去滾來解決是兩件事,你們有好好傾過大家在性事上的喜好、期望和要求嗎?  

還有,你不需要和一個出來做的女人比較,不過一個40幾歲的女人都可以很sexy,視乎你怎樣打理自己。

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Joven's Blog - 30 Minute Love Affair

Love

LOAD MORE